އޭއެފްސީ 16 އަހަރުން ދަށުގެ މުބާރާތް: ބޮޑުތަފާތަކުން އޮމާން އަތުން ރާއްޖެ ބަލިވެއްޖެ

އޭއެފްސީ 16 އަހަރުން ދަށުގެ މުބާރާތުގެ ކޮލިފައިންގައި އޮމާންގެ 16 އަހަރުން ދަށުގެ ޓީމު އަތުން ރާއްޖޭގެ 16 އަހަރުން ދަށުގެ ޓީމު ބަލިވެއްޖެ އެވެ.

ބުދަ ދުވަހު ހަވީރު ކުޅުނު މި މެޗު އޮމާންއާ ވާދަކޮށް ރާއްޖެ ބަލިވެފައިވަނީ 0-8 ގެ ތަފާތު ބޮޑު ނަތީޖާއަކުންނެވެ.

މެޗުގެ ފުރަތަމަ ހާފް ނިމިފައިވަނީ 0-4 ގެ ނަތީޖާއިން އޮމާން ކުރީގައި އޮވެގެންނެވެ. ފުރަތަމަ ހާފްގައި އޮމާންގެ ލަނޑުތައް ކާމިޔާބުކޮށްދިނީ އީސާ ހަލްފާން އަލް ނާބީ، ފަހަދް ސާއިދް އަލް ރަސްބީ، އޮމަރް ނަސީލް އަލް ސަލްތީ އަދި މުލްހަމް ޔޫސުފް އަލް ސިނާދީ އެވެ.

ދެވަނަ ހާފްގައިވެސް އޮމާން އިން ވަނީ ހަތަރު ލަނޑު ޖަހާފައެވެ. ދެވަނަ ހާފްގައި އޮމާން އަށް ލަނޑުތައް ކާމިޔާބުކޮށްދިނީ ތާރިގް ކާމިސް އަލް މަޝަރީ، މުލްހަމް ޔޫސުފް އަލް ސިނާދީ އަދި ބަދަލު ކުޅުންތެރިޔެއްގެ ގޮތުގައި ކުޅެން އެރި ނަސީރް އަބްދުﷲ އަލް ނާބީ ވަނީ ދެ ލަނޑު ކާމިޔާބުކޮށްފައެވެ.

ކޮލިފައިންގައި ރާއްޖެ ދެ ނިކުންނާނީ ތަޖިކިސްތާނާ ދެކޮޅަށެވެ. މި މެޗު އޮންނާނީ ހުކުރު ދުވަހު އެވެ. ގްރޫޕްގެ ފަހު މެޗުގައި އާދީއްތަ ދުވަހު ރާއްޖެ ނިކުންނާނީ އާދީއްތަ ދުވަހު އެވެ.