ސަލާމަތް ހިތަކާއި ފުރިހަމަ އީމާންކަމާ އެކުގައި މެނުވީ އެއްވެސް ކަމަކާ ކުރިމަތިނުލާން ޚުތުބާގައި ގޮވާލައިފި
އިސްރާއާއި މިއުރާޖުގެ ދަތުރުފުޅުން ލިބިގަންނާން ޖެހޭ އިބުރަތްތަކަށް އިޝާރާތް ކޮށް ޚުތުބާގައި ބުނީ، اللهُ سُبْحَانَهُ وَتَعَالَىގެ ޙަޟުރަތުން ވާތްގާއި މަދަދު ހޯދާ މީހާ ނާއުންމީދުވާން ނުޖެހޭނެ ކަމަށް. އަދި ލިބޭ އިބުރަތްތަކުގެ ތެރޭގައި، ހިތުގެ ޠާހިރުކަމާއި، ސަލާމަތްތެރިކަމާއި، އީމާންކަމުން ފުރިހަމަވުމަކީ މުހިންމު ކަމެއް ކަމަށް. އެއްވެސް ކަމަކާ ކުރިމަތިލާން ވާނީ ސަލާމަތް ހިތަކާއި ފުރިހަމަ އީމާންކަމާ އެކު ކަމަށް ޚުތުބާގައި ބުނެފައިވޭ. އަދި ހަގީގީ އެކުވެރީންނާއި ރަހުމަތްތެރީން ކުރިމަތިވާ ބޮޑެތި ކަންތައްތަކުން އެނގޭނެ ކަމަށް ބުނެފައިވޭ.
ހުކުރު ނަމާދު ކުރުމަށް ޖަމާއަތް ހަދައިގެން ހުކުރު ޚުތުބާ އަޑު އަހަނީ | އިސްލާމިކް މިނިސްޓްރީ
އިސްރާއާއި މިޢުރާޖުގެ އިބުރަތް ހާސިލް ކުރަން ޖެހޭ ކަމަށާއި، ސަލާމަތް ހިތަކާއި ފުރިހަމަ އީމާންކަމާ އެކުގައި މެނުވީ އެއްވެސް ކަމަކާ ކުރިމަތިނުލާން ހުކުރު ޚުތުބާގައި ގޮވާލައިފި އެވެ.
''އިސްރާއާއި މިޢުރާޖުގެ އިބުރަތްތައް'' މިމައުޟޫއަށް ރާއްޖޭގެ އެކިކަންކޮޅުތަކަށް އިއްވި ޚުތުބާގައި ވަނީ މިހާދިސާގެ މައްޗަށް ވަރަށް ބޮޑަށް އަލިޅުވާލާފަ އެވެ.
އިސްރާއަކީ މި ބިންމަތީގައި ހިނގި ހާދިސާއެއް ކަމާއި، ރޭގަނޑުން ބައެއްގައި މާތްالله މާތް ކުރައްވައިފައިވާ މައްކާގެ އަލްމަސްޖިދުލްޙަރާމުން އަލްމަސްޖިދުލްއަޤްޞާ އަށް ކުރެއްވި ދަތުރުފުޅެއް ކަމަށެވެ. އަދި މިޢުރާޖުގެ ދަތުރުފުޅަކީ ބައިތުލް މަޤްދިސުން ފެށިގެން މަތިވެރިވެގެންވާ އުޑުތަކަށް އަދި އެއަށް ފަހު ސިދުރަތުލްމުންތަހާ އަށް ކުރެއްވި ދަތުރުފުޅެއްކަން ފާހަގަކޮށްފައިވެ އެވެ.
އިސްރާއާއި މިއުރާޖުގެ ދަތުރުފުޅުން ލިބިގަންނާން ޖެހޭ އިބުރަތްތަކަށް އިޝާރާތް ކޮށް ޚުތުބާގައި ބުނީ، اللهُ سُبْحَانَهُ وَتَعَالَىގެ ޙަޟުރަތުން ވާތްގާއި މަދަދު ހޯދާ މީހާ ނާއުންމީދުވާން ނުޖެހޭނެ ކަމަށެވެ. އިސްރާއާއި މިއުރާޖުގެ ދަތުރުފުޅުން ލިބިގަންނާން ޖެހޭ އިބުރަތްތަކުގެ ތެރޭގައި، ހިތުގެ ޠާހިރުކަމާއި، ސަލާމަތްތެރިކަމާއި، އީމާންކަމުން ފުރިހަމަވުމަކީ މުހިންމު ކަމެއް ކަމަށެވެ. އެއްވެސް ކަމަކާ ކުރިމަތިލާން ވާނީ ސަލާމަތް ހިތަކާއި ފުރިހަމަ އީމާންކަމާ އެކު ކަމަށް ޚުތުބާގައި ބުނެފައިވެ އެވެ. އަދި ހަގީގީ އެކުވެރީންނާއި ރަހުމަތްތެރީން ކުރިމަތިވާ ބޮޑެތި ކަންތައްތަކުން އެނގޭނެ ކަމަށް ބުނެފައިވެ އެވެ.
ކީރިތި ރަސޫލާ مُحَمَّدُ صَلَّى اللهُ عَلَيْهِ وَسَلَّمَގެއިސްރާއާއި މިޢުރާޖުގެ ވާހަކަފުޅުތައް މައްކާގެ އަހުލުވެރީންގެ ގާތުގައި ދެއްކެވުމުން، އެކަލޭގެފާނު ދޮގުކުރުމުގައްޔާއި، މުއުމިނުންގެ ހިތްތަކުގައި އެކަލޭގެފާނާ މެދު ޝައްކު އުފެއްދުމަށް، މުޝްރިކުން އަވަސްވެގަތެވެ. މި ނާޒުކު ދަނޑިވަޅުގައި، އެއްވެސް ޖެހިލުންވުމަކާނުލައި، ސާބިތުކަމާއެކު އެކަލޭގެފާނުގެ ބަސްފުޅުތައް ތެދުކުރެއްވި ބޭކަލަކީ އަބޫބަކުރުގެފާނެވެ. އެކަމުގެ ސަބަބުން އެކަލޭގެފާނަށް އައްޞިއްދީޤުގެ ލަގަބު ލިބިވަޑައިގަތެވެ.ހުކުރު ޚުތުބާ
މީގެ އިތުރުން އިންސާނާ ކުރާ ކޮންމެ ހެޔޮ ކަމަކަށް މާތްالله މަތިވެރި ސަވާބާއި ދަރުމަ ދެއްވާނެކަން އިސްރާއާއި މިޢުރާޖުގެ ހާދިސާއިން އެނގޭ ކަމަށެވެ. ދޫ ރައްކާތެރިކޮށް، اللهގެ މަތީން ހަނދުމަކުރުމުގައި ދެމިހުރުމަށް ޚުތުބާގައި ވަނީ ގޮވާލާފަ އެވެ.
