ދިރާގު ޕްރިޕެއިޑް ކަސްޓަމަރުން ކޮންމެ ހަފްތާއަކު އަގުހުރި އިނާމުތައް ހޯދުމުގެ ފުރުސަތު ދިރާގުން ހުޅުވާލައިފި އެވެ.

ދިރާގުން އާންމުކުރި ނޫންބަޔާނެއްގައި ބުނީ މި ހިނގާ ޖުލައި މަހުގެ ނިޔަލަށް ކުރިއަށްގެންދާ މި ޕްރޮމޯޝަންގެ ދަށުން 20ރ. ނުވަތަ އެއަށް ވުރެ ގިނައިން ރީލޯޑުކޮށްގެން ފަސޭހަކަމާ އެކު އަގުހުރި އިނާމުތައް ހާސިލުކުރުމުގެ ފުރުސަތު ދިރާގު ޕްރިޕެއިޑް ކަސްޓަމަރުންނަށް އޮންނާނެ ކަމަށެވެ.

މި މަހުގެ ނިޔަލަށް ކުރިއަށް ގެންދާ މި ޕްރޮމޯޝަނުގެ ދަށުން ހާސިލްކުރެވޭ އިނާމުތަކުގެ ތެރޭގައި ޕްލޭސްޓޭޝަން 5 ސްލިމް، ޑެލް ލެޕްޓޮޕް އަދި ސެމްސަންގް ގެލެކްސީ ޓެބް އޭ9 ޕްލަސް ގެ އިތުރުން ކޮންސިއާޖް ގްރޫޕްއިން 500 ޑޮލަރުގެ ބަޓިކް އެއަރ ގިފްޓް ވައުޗަރ އެއްވެސް ހިމެނެއެވެ.

ކޮންސިއާޖް ގްރޫޕުން 500 ޑޮލަރުގެ ބަޓިކް އެއާ ގިފްޓް ވައުޗަރ އަށް ބަޓިކް އެއާގެ އެކްސްކްލޫސިވް އޮތޮރައިޒްޑް ޖެނެރަލް ސޭލްސް އޭޖެންޓް (ޖީއެސްއޭ)، ކޮންސިއާޖް ގްރޫޕް މެދުވެރިކޮށް ބުކިން ހެދޭނެ އެވެ.

މި ޕްރޮމޯޝަން ކުރިއަށްދާނީ 31 ޖުލައި 2025 ގެ ނިޔަލަށެވެ.

އެންމެ 20 ރުފިޔާ ނުވަތަ އެއަށް ވުރެ ގިނައިން ރީލޯޑުކޮށްގެން ފަސޭހަކަމާއެކު މި އަގުހުރި އިނާމުތައް ހާސިލުކުރުމުގެ ފުރުސަތު ދިރާގު ޕްރިޕެއިޑް ކަސްޓަމަރުންނަށް ހުޅުވާލާފައި ވާއިރު، މި އިނާމުތައް ހާސިލުކުރާ ނަސީބުވެރިން ހޮވުމަށް ހަމަޖެހިފައިވަނީ މި ޕްރޮމޯޝަންގައި ބައިވެރިވާ ކަސްޓަމަރުންގެ މެދުގައި ނަގާ ލަކީ ޑްރޯއެއް މެދުވެރިކޮށެވެ.

ދިރާގުން އަންނަނީ ތަފާތު އެކި ޕްރޮމޯޝަންތައް ހިންގައި އެ ކުންފުނީގެ ކަސްޓަމަރުންނަށް އެންމެ އަގުހުރި އޮފާތަކާއި އިނާމުތައް އަދި އެންމެ ފަހުގެ ހިދުމަތްތަކާއި ތަޖުރިބާތައް ފޯރުކޮށްދެމުންނެވެ.