ރައީސް މުއިއްޒުގެ ދުރުވިސްނުމާއި، ސިޔާސަތުގެ ތެރެއިން ކަމެއް އަންނަ ކަމަކަށްވާނަމަ، އެކަމަކަށް ރައްޔިތުން ޝައްކުގެ ނަޒަރުން...

ރާއްޖެ ދުނިޔެ ކުޅިވަރު ވިޔަފާރި/އިގްތިސާދު ސިއްހަތު ރިޕޯޓު ލައިފް ސްޓައިލް ލުއިޚަބަރު ވާހަކަ ފޮޓޯ

ކ. މާލެ

9 ޖުލައި 2025 | ބުދަ 15:30

ބުދަ ދުވަހު ކުރިއަށް ގެންދިޔަ ރައްޔިތުން މަޖިލީހުގެ ޖަލްސާގައި ރައްޔިތުން މަޖިލީހުގެ މަރަދޫ ދާއިރާގެ މެންބަރު އަހުމަދު ދީދީ ވާހަކަދައްކަވަނީ

ރާއްޖެއެމްވީ

މަޖިލިސް 20

ރައީސް މުއިއްޒުގެ ދުރުވިސްނުމާއި، ސިޔާސަތުގެ ތެރެއިން ކަމެއް އަންނަ ކަމަކަށްވާނަމަ، އެކަމަކަށް ރައްޔިތުން ޝައްކުގެ ނަޒަރުން ބަލާނެ: މެންބަރު އަހުމަދު ދީދީ

ރައީސްގެ އިރުޝާދާ ސިޔާސަތުގެ ދަށުން ކުރާ ކަމަކަށްވާނަމަ، އޭގައި އާއްމު ގޮތެއްގައި 4 ކަމެއް އެކުލެވޭ

އައްޑޫ ސިޓީގައި އިންޓަގްރޭޑެޓް ޓޫރިޒަމް ޒޯނެއް ތަރައްގީ ކުރުމަށް ސަރުކާރު އަމަލުކުރަމުންދާ ގޮތަށް ފާޑު ވިދާޅުވެފައިވޭ

ތަރައްގީގެ މަޝްރޫއުތަކަށް ރައްޔިތުންގެ އުންމީދެއް ނެތް

އަމްނާ އިމާދު

1,735

ރައީސުލްޖުމްހޫރިއްޔާ ޑރ. މުހައްމަދު މުއިއްޒުގެ ދުރުވިސްނުމާއި، ސިޔާސަތުގެ ތެރެއިން ކަމެއް އަންނަ ކަމަކަށްވާނަމަ، އެކަމަކަށް ރައްޔިތުން ޝައްކާއި، ވަހުމްގެ ނަޒަރުން ބަލާ ކަމަށް މަރަދޫ ދާއިރާގެ މެންބަރު އަހުމަދު ދީދީ ވިދާޅުވެއްޖެއެވެ.

ބުދަ ދުވަހު ކުރިއަށް ގެންދިޔަ ރައްޔިތުން މަޖިލީހުގެ ޖަލްސާގައި ވާހަކަ ދައްކަވަމުން މެންބަރު އަހުމަދު ދީދީ ވިދާޅުވީ އިނގުރައިދޫ ދާއިރާގެ މެންބަރު އިބްރާހީމް ފަލާހު ހުށަހެޅުއްވި، ރައްޔިތުންގެ ހިޔާލު ހޯދުމުގެ އާންމު ވޯޓު ނެގުމުގެ ބިލަކީ ރަނގަޅު ބިލެއް ކަމަށެވެ.

ނަމަވެސް މި ބިލަކީ ރައީސްގެ ދުރުވިސްނުމާއި، ސިޔާސަތުގެ ތެރެއިން އައި ބިލެއް ކަމަށްވާއިރު، އެހާ ހިސާބުން ދިވެހި ރައްޔިތުން މިކަމަށް ޝައްކާ ވަހުމުގެ ނަޒަރުން ބަލާ ކަމަށެވެ. އޭގެ ސަބަބަކީ ރައީސްގެ އިރުޝާދާ ސިޔާސަތުގެ ދަށުން ކުރާ ކަމަކަށްވާނަމަ، އޭގައި އާއްމު ގޮތެއްގައި 4 ކަމެއް އެކުލެވޭ ކަމަށް ގިނަ ރައްޔިތުން ބުނަމުންދާ ކަމަށް މެންބަރު އަހުމަދު ދީދީ ވިދާޅުވިއެވެ. އަދި ވިދާޅުވީ އެއީ މަކަރާއި، އޮޅުވާލުމާއި، ދޮގު ކަމަށެވެ.

މީގެ އިތުރުން މެންބަރު އަހުމަދު ދީދީ ވަނީ އައްޑޫ ސިޓީގައި އިންޓަގްރޭޑެޓް ޓޫރިޒަމް ޒޯނެއް ތަރައްގީ ކުރުމަށް ސަރުކާރު އަމަލުކުރަމުންދާ ގޮތަށް ވެސް ފާޑު ވިދާޅުވެފައެވެ. އޭނާ ވިދާޅުވީ ހަލާލު ޓޫރިޒަމް ތަރައްގީ ކުރުމަށް ކަމަށް ބުނެ، މަޝްރޫއު ހުއްޓުވާފައިވާ ކަމަށެވެ.

އޭގެ ސަބަބަކީ ރައީސުލްޖުމްހޫރިއްޔާ އެކަމެއްގައި ރައީސުލްޖުމްހޫރިއްޔާގެ އިރުޝާދާ ސިޔާސަތުގެ ދަށުން ކުރާ ކަމެއްކަމަށްވަންޏާ އޭގައި އާއްމު ގޮތެއްގައި 4 ކަމެއް އެކުލެވޭ ކަމަށް ގިނަ ރައްޔިތުން ހާމަކުރަމުން ގެންދާތީ. އެއީ މަކަރާއި، އޮޅުވާލުމާއި، ދޮގާއި މިކަންތައްތައް. މި ބިލަކީ ހަގީގަތުގައި ވެސް ބޭނުންތެރި ބިލެއް. ރައްޔިތުންގެ ގާތުން އަހަން އެބަޖެހޭ. ރައްޔިތުންގެ ހިޔާލު ހޯދަން އެބަ ޖެހޭ. އެހެންނަމަވެސް އަޅުގަނޑުމެންނަށް މިދޭތެރެއިން ފެނިގެން މިދިޔައީ ރައްޔިތުންގެ ކަންބޮޑުވުންތަކެއް އެކުލެވޭ ވަރަށް ގިނަ ކަންތައްތަކެއް ރައްޔިތުންނާ އެއްވެސް މަޝްވަރާއެއް ނުކޮށް ނިންމަމުން ގެންދިޔަތަން. މިގޮތުން އައްޑޫ ސިޓީގައި އިންޓަގްރޭޑެޓް ޓޫރިޒަމް ޒޯނެއް ހަދައި، އެތަން ތަރައްގީ ކުރުމަށްޓަކައި ބޮޑެތި މަސައްކަތްތަކެއް ކުރަމުން ދަނިކޮށް ކުއްލިއަކަށް ރައްޔިތުންގެ އެއްވެސް ހިޔާލެއް ހޯދުމެއް ނެތި އެތަން ބަދަލުކޮށްލީ ހަލާލު ޓޫރިޒަމް ޒޯނެއްގެ ގޮތުގައޭ ކިޔާފައި މުޅި މަޝްރޫއު ހުއްޓާލުމުގެ ނިޔަތުގައި އެކަން ބަދަލުކޮށްލީ މިބުނާ ދުރުވިސްނޭ ސިޔާސަތުގެ ދަށުން ރައީސުލްޖުމްހޫރިއްޔާގެ އިރުޝާދާ ދުރުވިސްނޭ ސިޔާސަތުގެ ދަށުން. މިދިޔަ އަހަރު ފެބްރުއަރީ މަހު ހަވާ އަރުވައި، އަމަލީ މަސައްކަތް ފަށާފައިވާ ޕްރޮޖެކްޓެއް ބަޔަކާ ހަވާލުކޮށްފައިވާ ޕްރޮޖެކްޓެއް އެއްވެސް ބައެއްގެ އެހުމަކާ ލަފައެއް ނުހޯދައި ބަދަލުކޮށްލީ މުޅިން އެހެން މޮޑެލްއަކަށް. ބަދަލުކޮށް ރައްޔިތުންގެ އުންމީދުތައް މުޅިން ގެއްލުވާލީ.

މަރަދޫ ދާއިރާގެ މެންބަރު އަހުމަދު ދީދީ