ދެކުނު ލުބުނާނުގެ ސަރަހައްދަކަށް އިސްރާއީލުން ހަމަލާ ދީފިއެވެ.

އިސްރާއީލުގެ ސިފައިން ހޮނިހިރު ދުވަހު ބުނެފައިވަނީ، އެ ޤައުމުގެ ކަނޑު ސިފައިން ދެކުނު ލުބުނާނުގެ ނަގޫރާ ސިޓީ ކައިރީގައި ހުރި ހިޒްބުﷲ "އިންފްރާސްޓްރަކްޗަރ ސައިޓަކަށް" ހަމަލާދީފައިވާ ކަމަށެވެ.

ހަމަލާ މި ދިނީ އިސްރާއީލުގެ ޚާރިޖީ ވަޒީރު، އީރާން-އިސްރާއީލު ހަނގުރާމައިގައި ލުބުނާނުގެ ހިޒްބުﷲ ޖަމާއާތުން ބައިވެރި ނުވުމަށް އިންޒާރުދިންތާ އެއް ދުވަސް ފަހުންނެވެ.

އިސްރާއީލު ސިފައިން ބުނެފައިވަނީ، އެ ތަނަކީ ހިޒްބުﷲ އިން "އިސްރާއީލުގެ އާންމު ރައްޔިތުންނަށް ޓެރަރިސްޓް ހަމަލާތައް ދިނުމަށް" ބޭނުންކުރާ ތަނެއް ކަމަށެވެ.

ހޮނިހިރު ދުވަހު ވަކި ބަޔާނެއްގައި، އިސްރާއީލު ސިފައިން ބުނެފައިވަނީ އޭގެ ކުރީ ދުވަހު ދެކުނު ލުބުނާނުގައި ހުރި ހިޒްބުﷲ ގެ ހަނގުރާމަވެރިއަކު "ހަމަލާދީ ނައްތާލާފައިވާ" ކަމަށެވެ.

ލުބުނާނުގެ ރަސްމީ ނޭޝަނަލް ނިއުސް އޭޖެންސީން ގެނެސްދިން ބަޔާނެއްގައި، ލުބުނާނުގެ ޞިއްޙަތާ ބެހޭ މިނިސްޓްރީން ހުކުރު ދުވަހުގެ ރޭގެ ފަހު ވަގުތެއްގައި ބުނެފައިވަނީ، "ދުޝްމަނުންގެ ޑްރޯނަކުން މޮޓޯސައިކަލަކަށް ހަމަލާދީގެން" ދެކުނު ލުބުނާނުގައި މީހަކު މަރުވެފައިވާ ކަމަށެވެ.

ހަމަލާ ބަދަލު ކުރުން ހުއްޓާލުމުގެ އެއްބަސްވުމެއް އިސްރާއީލާއި ލުބުނާނުގެ ހިޒްބުﷲ އާ ދެމުދު ހެދިފައި އޮތް ނަމަވެސް އިސްރާއީލުން ގެންދަނީ އެ އެއްބަސްވުމާ ޚިލާފުވެ ތަކުރާރުކޮށް ލުބުނާނުގެ ސަރަހައްދުތަކަށް ހަމަލާ ދެމުންނެވެ.