އިސްރާއީލުގެ ހަނގުރާމަމަތީ ޑްރޯން އެއް އީރާނުން ވައްޓާލައިފި
އިސްރާއީލުގެ ޑިފެންސް ފޯސް އިން ވެސް ވަނީ އެމީހުންގެ ޑްރޯން އެއް މިސައިލް ހަމަލާ އެއްގައި ވެއްޓުނު ކަމަށް ބުނެފައި
އީރާނުގެ ވައިގެ ސަރަހައްދުން ވައްޓާލި އިސްރާއީލުގެ ޑްރޯން ގެ ބައެއް
އިސްރާއީލުގެ ހަނގުރާމަމަތީ ޑްރޯން އެއް އީރާނުން ވައްޓާލައިފި އެވެ.
މިކަން އިސްރާއީލުގެ ޑިފެންސް ފޯސް (އައި.ޑީ.އެފް) އިން ވަނީ ކަށަވަރު ކޮށްދީފައެވެ. .
"އޮޕަރޭޝަނަލް ޙަރަކާތެއްގެ ތެރޭގައި، ރިމޯޓް ޕައިލެޓް އެއަރކްރާފްޓް އަކަށް ބިމުން-ވަޔަށް ދަތުރުކުރާ މިސައިލްތަކެއް ވަނީ އަމާޒުވެފައެވެ.
"އެ އުޅަނދު ވެއްޓުނީ އީރާނުގެ ވައިގެ ސަރަޙައްދަށެވެ، އެއްވެސް މީހަކަށް ގެއްލުމެއް ނުވެއެވެ އަދި މަޢުލޫމާތު ލީކުވެދާނެކަމުގެ ބިރެއްވެސް ނެތެވެ،" އައި.ޑީ.އެފްގެ ތަރުޖަމާނު ބުންޏެވެ.
ބުދަ ދުވަހު ކުރީކޮޅު އީރާނުގެ ސަރުކާރުގެ ޓީވީން ވަނީ އިސްރާއީލުގެ ޑްރޯން އެއް ވައްޓާލި ކަމަށް ރިޕޯޓް ކޮށްފައެވެ، އެޤައުމުގެ ވައިގެ ދިފާޢީ ބާރުތަކުން ބުނީ ބުދަ ދުވަހު ފަތިހު ހަމަލާ ދީ ޑްރޯން ވައްޓާލީ އިސްފަހާން ޕްރޮވިންސްގެ މެދުތެރޭގައި ކަމަށެވެ.
