ނަތަންޔާހޫ ބޭނުން ވަނީ އީރާނުގެ އިސްވެރިޔާ އަވަހާރަކޮށްލުން ކަން ހާމަ ވެއްޖެ

ހަނގުރާމަ އިތުރަށް ގޯސް ވިޔަ ނުދޭން އިސްރާއީލުގެ ބޮޑު ވަޒީރު ނަތަންޔާހޫ ބޭނުން ވަނީ އީރާނުގެ އިސްވެރިޔާ އަވަހާރަ ކޮށްލުން ކަން ހާމަ ވެއްޖެއެވެ.

ނަތަންޔާހޫ ވިދާޅުވީ، އީރާނުގެ އިސް ލީޑަރު އާޔަތު ﷲ އަށް އަމާޒު ކުރުމަކީ "މައްސަލަ އިތުރަށް ގޯސްވާނެ ކަމެއް ނޫން" ކަމެއް ކަމަށެވެ.

ބޮޑުވަޒީރު ބެންޖަމިން ނަތަންޔާހޫ އީރާނުގެ އެންމެ މަތީ ވެރިޔާ އަޔަތުއްﷲ އަލީ ޚާމަނާއީ އަވަހާރަ ކޮށްލުމުގެ ޕްލޭނެއް ނެތް ކަމަށް ބުނުމަށް ވަނީ އިންކާރު ކޮށްފައެވެ.

އެމެރިކާގެ އޭބީސީ ނިއުސް އަށް ދެއްވި އިންޓަވިއުއެއްގައި ނަތަންޔާހޫ ވިދާވިދާޅު ވެފައި ވަނީ އީރާނުގެ އެންމެ މަތީ ވެރިޔާ އަވަހާރަ ކޮށްލުމުގެ އެއްވެސް ޕްލޭނަކީ "މައްސަލަ އިތުރަށް ގޯސްވާނެ ކަމެއް ނޫން ކަމަށާއި، އެއީ މައްސަލަ ނިންމާލާނެ ކަމެއް" ކަމަށެވެ.

އަދި، އީރާނުގެ އެންމެ މަތީ ވެރިޔާ އަށް އިސްރާއީލުން އަމާޒުކުރާނެތޯ ސީދާ ސުވާލުކުރުމުން، ނަތަންޔާހޫ ވިދާޅުވެފައިވަނީ: "އަހަރެމެން ކުރަންޖެހޭ ކަންތައްތައް ކުރަމުން މިދަނީ" އެވެ.

"އަޅުގަނޑުމެން އެމީހުންގެ އެންމެ މަތީ ފެންވަރުގެ ނިއުކްލިއަރ ސައިންޓިސްޓުންނަށް އަމާޒު ކޮށްފައިވާނެ،" އޭނާ އިތުރު ކުރެއްވި އެވެ. "އަދިވެސް އެހެން ތަންތަނުގައި ކުރަންޖެހޭ މަސައްކަތްތައް އެބަހުރި."

އިސްރާއީލުގެ އިސްވެރިޔާ އަދި ހުށަހަޅުއްވާފައި ވަނީ އީރާނަށް ހަމަލާދޭން އޭނާ ނިންމެވި ނިންމެވުމަކީ އީރާނުގައި ހުރި ކަމަށް ބުނާ ނިއުކްލިއަރ ނުރައްކަލުން ސަލާމަތް ވުމަށްޓަކައި "އިންސާނިއްޔަތަށް ޚިދުމަތް ކުރުމުގެ ގޮތުން" ކުރެވޭ ކަމެއް ކަމަށެވެ.

"މިއަދު ތެލް އަވީވް، މާދަމާ ނިއުޔޯކް،" އޭނާ ވިދާޅުވިއެވެ.