އިސްރާއީލުގެ އޮއިލް ރިފައިނަރަރީސް އިން ބުނެފައިވާ ގޮތުގައި، ހައިފާގައި ހުރި އެ ކުންފުނީގެ ހޮޅި ލައިންތަކާއި ޓްރާންސްމިޝަން ލައިންތަކަށް އީރާނުގެ މިސައިލް ހަމަލާތަކުން ގެއްލުން ލިބިއްޖެއެވެ.

މިކަން ހާމަވީ ތެލް އަވީވް ސްޓޮކް އެކްސްޗޭންޖަށް އެ ފަރާތުން ހުށަހަޅާފައިވާ ރެގިއުލޭޓަރީ ލިޔެ ކިޔުންތަކުން ކަމަށް ރިޕޯޓުތައް ބުނެއެވެ.

އެ ކުންފުނިން ބުނެފައިވާ ގޮތުގައި، އެ ސަރަހައްދުތަކުގައި އެއްވެސް މީހަކަށް އަނިިޔާއެއް ނުވަތަ ގެއްލުމެއް ލިބިފައެއް ނުވެއެވެ. އަދި ބައެއް އޮޕަރޭޝަންތައް ހުއްޓާލާފައިވީ ނަމަވެސް، ތެޔޮ ސާފުކުރާ ފެސިލިޓީތައް މަސައްކަތްކުރަމުން ދެއެވެ.

އެ ކުންފުނިން ބުނެފައިވާ ގޮތުގައި، މި ގެއްލުމުގެ ސަބަބުން އެ ކުންފުނީގެ އޮޕަރޭޝަން ތަކަށް ކުރާނެ އަސަރާއި މާލީ ނަތީޖާތަކަށް ކުރާނެ އަސަރު މިހާރު ގެންދަނީ ދިރާސާ ކުރަމުންނެވެ.