އިސްރާއީލަށް "ވޭން ހުރި ރައްދެއް" ދޭނެ ކަމަށް އީރާނުގެ ރޫހާނީ ލީޑަރު ވިދާޅުވެއްޖެ
އީރާނުގެ އަސްކަރިއްޔާގެ ތަރުޖަމާނަކު ވިދާޅުވީ އިސްރާއީލުން މި ހަމަލާ ދިނީ އެމެރިކާގެ އެހީތެރި ކަމާ އެކުގައި ކަމަށް އީރާނުން ދެކޭ ކަމަށް
އީރާނުގެ ސުޕްރީމް ލީޑަރު، އާޔަތުالله އަލީ ޚާމަނާއީ
އިރާނަށް ހުކުރު ދުވަހު ދިން ހަމަލާގެ ބަދަލުގައި އިސްރާއީލަށް "ވޭންހުރި ރައްދެއް" ދޭނެ ކަމަށް އީރާނުގެ ރޫހާނީ ލީޑަރު ވިދާޅުވެއްޖެއެވެ.
އިރާނުގެ އެންމެ އިސްވެރިޔާ އާޔަތު ﷲ އަލީ ޚާމަނާއީ ވިދާޅުވެފައިވަނީ މި ހަމަލާތަމަލާތަކުން އިސްރާއީލުގެ "ނުބައި ޒާތް" ހާމަވެގެން ހިނގައްޖެ ކަމަށާއި، މި ހަމަލާއާއެކު އިސްރާއީލުން "އަމިއްލައަށް ވޭންދެނިވި ނަތީޖާއަކަށް ހުށަހެޅިއްޖެ" ކަމަށާއި، އެ ނަތީޖާ އެ އިސްރާއީލަށް "ކަށަވަރުންވެސް ފެންނާނެ" ކަމަށް ރޮއިޓަރސް އިން ރިޕޯޓުކޮށްފައިވެއެވެ.
އޭގެ އިތުރުން އިރާނުގެ ހަތިޔާރުއެޅި ބާރުތަކުގެ ތަރުޖަމާނަކު ވިދާޅުވީ އިރާނަށް މި ހަމަލާތައް ދިނީ އިސްރާއީލުން ކަމަށާއި، އެކަން ކުރީ އެމެރިކާގެ އެހީތެރިކަމާއެކު ކަމަށެވެ.
އެމެރިކާގެ އިސް ޑިޕްލޮމެޓް ކަމުގައިވާ މާކޯ ރޫބިއޯ ވިދާޅުވެފައިވަނީ މި ހަމަލާތަކުގައި ވޮޝިންގްޓަން ބައިވެރިވެފައި ނުވާ ކަމަށާއި، އިސްރާއީލުން އެމެރިކާ އަށް އަންގާފައިވަނީ "މި ޢަމަލަކީ އެ ޤައުމުގެ ދިފާޢަށް ކޮންމެހެން ކުރަންޖެހުނު ކަމެއް" ކަމަށެވެ.
