ފީނަންގޮސް އުޅުނު މީހެއްގެ ގަޔަށް ލޯންޗެއް އަރައި އަތް ބުރިވެއްޖެ
ފީނަން އުޅުނު ބައެއްގެ ތެރެއިން 30 އަހަރުގެ ބަންގްލަދޭޝް ފިރިހެނެއްގެ ގައިގައި ލޯންޗަކުން ޖެހި ވަނީ އަތް ބުރިވެފަ
ފީނަން ގޮސްއުޅުނު މީހެއްގެ ގައިގައި ލޯންޗަކުން ޖެހި ވަނީ އަތް ބުރިވެފަ
ފީނަންގޮސް އުޅުނު މީހެއްގެ ގަޔަށް ލޯންޗެއް އަރައި އެ މީހާގެ އަތް ބުރިވެއްޖެއެވެ.
ފުލުހުން އަންގާރަ ދުވަހުގެ ރޭ ހިއްސާކުރި މެސެޖެއްގައި ބުނީ ނ. އަތޮޅުގައި ފީނަން އުޅުނު ބައެއްގެ ތެރެއިން މީހެއްގެ ގައިގައި ލޯންޗަކުން ޖެހި އަނިޔާވެފައިވާ މައްސަލަ ހޯމަ ދުވަހުގެރޭ 10:30 ހާއިރު ފުލުހުންނަށް ލިބިފައި ވާކަމަށެވެ.
ފުލުހުން ބުނީ އެމީހާގެ ކަނައަތް އުޅަނބޮއްޓާ ހިސާބުން ބުރިވެފައި ވާކަމަށެވެ. އަދި މީގެ އިތުރުން ވެސް އޭނާއަށް ބޮޑެތި އަނިޔާތަކެއް ލިބިފައި ވާކަން ފުލުހުން ވަނީ ފާހަގަކޮށްފައެވެ.
އެ ހާދިސާގައި އަނިޔާ ވެފައި ވަނީ 30 އަހަރުގެ ބަންގްލަދޭޝް ފިރިހެނަކަށެވެ. އޭނާއަށް އޭޑީކޭ ހޮސްޕިޓަލްގައި އަންނަނީ ފަރުވާދެމުންނެވެ. އަދި މި މައްސަލަ ފުލުހުން ތަހުގީގުކުރަމުން ދާކަމަށް ވެސް ފުލުހުން ވަނީ ބުނެފައެވެ.
އެނގިފައިވާގޮތުގައި އެ ދޯނިން ދަތުރުކުރި މީހުން ނ. މަނަދޫ ޕޮލިސް ސްޓޭޝަނަށް ހާޒިރުކޮށް ވަނީ ބަޔާން ނަގާފަ އެވެ
މީގެ ކުރީންވެސް މިފަދަ ނުރައްކާތެރި ހާދިސާތައް ވަނީ ހިނގާފައެވެ. އަދި އެފަދަ ހާދިސާތަކުގައި މީހުންގެ ފުރާނަ ގެއްލިފައިވެސް އެބަހުއްޓެވެ.
