ލައިފް ސްޓައިލް
ބަދިގެ 1446
ގްރިލްޑް ޕައިނެޕަލް
މި ރެސިޕީއަކީ ވަރަށް ރަހަ ރަނގަޅު ރެސިޕީއެކެވެ. އަދި ވަރަށް ފަސޭހައިން ތައްޔާރުކޮށްލެވޭ ރެސިޕީއެކެވެ.
ނާޒުމީ ސައީދު, ރާއްޖެ އެމްވީ | 17 މާރިޗު 2025 | ހޯމަ 15:35
ގްރިލްޑް އަލަނާސި
ބޭނުންވާ ތަކެތި
- 1 ޖޯޑު ބްރައުން ޝުގަރ
- 2 ސަމުސާ ސިނަމަން
- 1 އަލަނާސި (ބަރ ގޮތަށް ފޮތިކޮށްލާފައި)
ތައްޔާރު ކުރާނެ ގޮތް
ފުރަތަމަ ގްރިލްއެއް ހޫނުކޮށް ތައްޔާރުކޮށްލާށެވެ. ދެން ގްރިލްގެ މަތީގައި ތެޔޮ ފޮދެއް އުނގުޅާލާށެވެ.
ބްރައުން ޝުގަރ، ސިނަމަން އެއްކޮށް ތަށްޓެއްގައި ރަނގަޅަށް އަޅާ އެއްކޮށްލާށެވެ.
މި މިކްސް ބަންދުކުރެވޭ ކޮތަޅަކަށް އަޅާލުމަށްފަހު، އަލަނާސީގެ ފޮތިތައް މި ކޮތަޅަށް އަޅާށެވެ. ދެން ކޮންމެ ފޮއްޗެއްގައިވެސް މިކްސްޗަރ ރަނގަޅަށް ހޭކެންދެން އެއްކޮށްލާށެވެ.
އެއަށްފަހު، ތައްޔާރުކޮށްފައިވާ ގްރިލްގައި އަލަނާސީގެ ފޮތިތައް، ކޮންމެ ފަރާތެއްގައި 3 ނުވަތަ 5 މިނެޓަށް ގްރިލްކޮށްލާށެވެ.
