ހުޅުމާލޭގައި ހުންނަ ސްޓެލްކޯ ފްލެޓް، އިމާރާތުގެ ނުވަ ވަނަ ފަންގިފިލާއިން ވެއްޓި މަރުވެއްޖެއެވެ.

ފުލުހުން މީޑިއާތަކަށް ފޮނުވި މެސެޖެއްގައި ބުނެފައި ވަނީ ސްޓެލްކޯ ފްލެޓް، އިމާރާތުގެ 12 ވަނަ ފަންގިފިލާއިން ވެއްޓި ނިޔާވެފައި ވަނީ އުމުރުން 31 އަހަރުގެ ހ. ގިނިރާހި، އިބްރާހިމް ޝަރަފް ކަމަށެވެ.

އެ މީހާ 12 ވަނަ ފަންގިފިލައިން ވެއްޓެން ދިމާވި ސަބަބެއް ފުލުހުން އަދި ހާމައެއް ނުކުރެ އެވެ.

ހޯމަ ދުވަހު ފުލުހުން މީޑިއާތަކާ ހިއްސާކުރި މެސެޖުގައި ބުނީ، ސްޓެލްކޯގެ ސީ ޓަވަރުގެ ބިއްދޮށް ފަޅިއަށް ދިވެހި ޒުވާނަކު ވެއްޓިފައި އޮއްވާ ފެނިގެން ފުލުހުން ހަރަކާތްތެރިވަމުން އަންނަ ކަމަށެވެ.

ވެއްޓުނު މީހާ ފެނުނު އިރުވެސް އޮތީ މަރުވެފައިވާ ކަމަށް ފުލުހުން ބުންޏެވެ.

އެ ޒުވާނާ ވެއްޓުނު ސަރަހައްދުގައި ފުލުހުން ހަރަކާތްތެރިވާ މަންޒަރު ފެންނަ ވީޑިއޯއެއް ސޯޝަލް މިޑިއާގައި ދައުރުވަމުން އަންނައިރު، އެ މީހާ ޓަވަރުން ވެއްޓިފައިވަނީ ކޮން އިރަކު ކަމެއް އަދި ހާދިސާ ހިނގަން މެދުވެރިވި ގޮތުގެ ތަފުސީލެއް ވެސް ފުލުހުން ހާމަކޮށްފައިނުވެއެވެ.

މި ހާދިސާ ފުލުހުން ދަނީ ތަހުގީގު ކުރަމުންނެވެ.

ފުލުހުން ވަނީ އެ މީހާ ނިޔާވުމުން އާއިލާއަށް ލިބިފައިވާ ހިތާމައިގެ މި ދަނޑިވަޅުގައި، އާއިލާގެ އިހުސާސް ތަކަށް އިހުތިރާމުކޮށް ނިޔާވި މީހާގެ ފޮޓޯ އާއި ހާދިސާގެ މަންޒަރުތައް މީސްމީޑިއާގެ ވަސީލަތްތަކަުގައި ދައުރު ނުކުރުމަށް ވެސް އިލްތިމާސްކޮށްފައެވެ.