އެމެރިކާގެ ފިލަޑެލްފިއާ ގައި ކުޑަ ކުއްޖަކާއި އިތުރު 5 މީހުން ދަތުރުކުރަމުން ދިޔަ އެއަރ އެމްބިއުލާންސެއް ވެއްޓިއްޖެ
އެމެރިކާގައި ބޭސްފަރުވާ ކުރަމުންދިޔަ މެކްސިކޯގެ އަންހެން ކުއްޖަކާއި، އޭނާގެ މަންމަ އަދި ފްލައިޓް އަދި މެޑިކަލް ކްރޫގެ މެންބަރުން މި މަތިންދާބޯޓުގައި ތިބި.
ހުކުރު ދުވަހު ބޯޓު ފިލެޑެލްޕިއާ އަށް ބޯޓު ވެއްޓުނު ސަރަހައްދުގައި އޮފިޝަލުން ހަރަކާތްތެރިވަނީ
އެމެރިކާގެ ފިލަޑެލްފިއާ ގައި ކުޑަ ކުއްޖަކާއި އިތުރު 5 މީހުން ދަތުރުކުރަމުން ދިޔަ އެއަރ އެމްބިއުލާންސެއް ވެއްޓިއްޖެ އެވެ.
ހާދިސާ ކުރިމަތިވީ ފުރާނަ އަށް ނުރައްކާވާފަދަ ބައްޔަކަށް ފަރުވާ ހޯދުމަށްފަހު ކުޑަކުއްޖަކާއި އޭނާގެ މަންމަ އަދި އިތުރު 4 މީހުން އުފުލަމުންދިޔަ އެއަރ އެމްބިއުލާންސް މަތިންދާ ބޯޓަކަށެވެ.
އެމެރިކާގެ ފިލަޑެލްފިއާގެ މީހުން ދިރިއުޅޭ ސަރަހައްދަކަށް ބޯޓު ވެއްޓުނު މި ހާދިސާ ހިނގީ ހުކުރު ދުވަހުގެ އިރުއޮއްސުމާ ގާތްވެފައިވަނިކޮށްނެވެ.
މި ހާދިސާގައި ބޯޓުވެއްޓުމާއެކު ގިނަ ގެތަކެއް ގައި ރޯވި މަންޒަރު ލޯކަލް ޓީވީ ތަކުން ދައްކާފައިވެއެވެ.
މި ހާދިސާ ހިނގީ މި ހަފްތާގެ ކުރީކޮޅު ވޮޝިންގްޓަން ޑީ.ސީ ގައި ފަސިންޖަރުން އުފުލާ މަތިންދާބޯޓަކާއި މިލިޓަރީ ހެލިކޮޕްޓަރެއް ޖެހި ނުރައްކާތެރި އެކްސިޑެންޓެއް ހިނގާފައި ވަނިކޮށްނެވެ.
ފިލެޑެލްފިއާ އަށް ވެއްޓުނުު އުޅަނދުގައި ހަތަރު ފަޅުވެރިން ތިއްބިއެވެ - އެއީ ޕައިލެޓާއި، ކޯ-ޕައިލެޓާއި، ޕެރަމެޑިކަކާއި އަދި ޑޮކްޓަރެކެވެ.
މެކްސިކޯގެ ޚާރިޖީ ވުޒާރާއިން ބުނާ ގޮތުގައި އުޅަނދުގައި ތިބި ހަ މީހުންނަކީ ވެސް މެކްސިކޯގެ ރައްޔިތުންނެވެ.
"މި ވަގުތު، އެއްވެސް މީހަކު ދިރި ތިބިކަން އަޅުގަނޑުމެންނަށް ޔަގީންކޮށް ނުދެވޭނެ" ކަމަށް އެއަރ އެމްބިއުލަންސް ކުންފުނިން ނެރުނު ބަޔާނެއްގައި ބުނެފައިވެއެވެ.
ފިލަޑެލްފިއާގެ މޭޔަރ ޗެރެލް ޕާކަރ ހާދިސާ ހިނގި ސަރަޙައްދުގައި ބޭއްވި ނޫސްވެރިންގެ ބައްދަލުވުމެއްގައި ވިދާޅުވީ ގިނަ ގެތަކަކާއި ކާރުތަކެއް ރޯވެ ގެއްލުންވެފައިވާ ކަމަށެވެ.
