ޤައްސާމް ބްރިގޭޑްސް އިން އުތުރު ޣައްޒާ ގައި އިސްރާއީލުގެ ހަނގުރާމަމަތީ 5 ޓޭންކަކަށް ހަމަލާދީފި
ފާއިތުވި ދުވަސްތަކުގައި، އިސްރާއީލުގެ މީޑިއާ ރިޕޯޓުތަކުން ޣައްޒާގައި ތިބި ފަލަސްތީނުގެ ހަނގުރާމަވެރިންގެ އަދަދާ މެދު ތަފާތު ގޮތްގޮތައް ރިޕޯޓު ކޮށްފައިވެއެވެ. އަދި ފަލަސްތީނުގެ މި ސަރަހައްދުގައި ހިނގަމުންދާ ލޭއޮހޮރުވުން ބޮޑު ހަނގުރާމަ ފެށިތާ 15 މަސް ފަހުން އަނެއްކާވެސް "ފާހަގަކުރެވޭ ވަރުގެ އާލާވުމެއް" ފެނިފައިވާ ކަމަށް މީޑިއާ ގައި ފާހަގަކޮށްފައިވެއެވެ.
ހަމާސްގެ އަސްކަރީ ވިންގެއް ކަމަށްވާ އަލް ގައްސާމް ބްރިގޭޑްސްގެ މެމްބަރުން އިސްރާއީލުގެ އަސްކަރީ އާމަރޑް ވެހިކަލެއް 2023، އޮކްޓޯބަރު 07 ގައި އަންދާލާފައި
އިއްޒުއްދީން އަލް-ޤައްސާމް ބްރިގޭޑްސް އިން ނެރުނު ކުރު ބަޔާނެއްގައި، ބުނެފައިވަނީ އެ ޖަމާއަތުގެ ހަނގުރާމަވެރިން ޖަބާލިޔާ ރެފިއުޖީ ކޭމްޕްގެ ހުޅަނގު ފަރާތުގައިވާ އަލް-ސަފްތާވީ ސަރަހައްދުގައި އިސްރާއީލުގެ މަރްކަވާ ޓޭންކަކަށް ހަމަލާދީ ގޮއްވާލާފައިވާ ކަމަށެވެ.
ދެވަނަ ބަޔާނެއްގައި، އެ ޖަމާއަތުން ބުނެފައިވަނީ އެ ޖަމާއަތުގެ ހަނގުރާމަވެރިން ޖަބާލިޔާ އަވަށުގެ އިރުމަތީ ފަރާތުގައި އިތުރު ހަތަރު ޓޭންކަކަށް ގޮވާ އެއްޗެހިން ހަމަލާދީފައިވާ ކަމަށެވެ.
އަލް-ޤައްސާމް ބްރިގޭޑްސްއިން ނެރުނު އެހެން ބަޔާނެއްގައި ބުނެފައިވަނީ އެ ޖަމާއަތުގެ ހަނގުރާމަވެރިން ޣައްޒާގެ މެދުތެރޭގައިވާ އަލް-ބުރައިޖް ރެފިއުޖީ ކޭމްޕްގެ އިރުމަތީ ފަރާތުގައި އިސްރާއީލުގެ އަޕާޗީ ހެލިކޮޕްޓަރަކަށް ރޮކެޓަކުން ހަމަލާ ދިން ކަމަށެވެ.
ހަމާސްގެ ހަތިޔާރު އެޅި ގޮފި ކަމުގައި ޤައްސާމް ބްރިގޭޑްސްގެ މި ބަޔާންތަކާ ގުޅޭގޮތުން އިސްރާއީލު ސިފައިންގެ ފަރާތުން އަދި އެއްވެސް އެއްޗެއް ބުނެފައެއް ނުވެއެވެ.
ފާއިތުވި ދުވަސްތަކުގައި، އިސްރާއީލުގެ މީޑިއާ ރިޕޯޓުތަކުން ޣައްޒާގައި ތިބި ފަލަސްތީނުގެ ހަނގުރާމަވެރިންގެ އަދަދާ މެދު ތަފާތު ގޮތްގޮތައް ރިޕޯޓު ކޮށްފައިވެއެވެ. އަދި ފަލަސްތީނުގެ މި ސަރަހައްދުގައި ހިނގަމުންދާ ލޭއޮހޮރުވުން ބޮޑު ހަނގުރާމަ ފެށިތާ 15 މަސް ފަހުން އަނެއްކާވެސް "ފާހަގަކުރެވޭ ވަރުގެ އާލާވުމެއް" ފެނިފައިވާ ކަމަށް މީޑިއާ ގައި ފާހަގަކޮށްފައިވެއެވެ.
ޖެރޫސަލަމް ޕޯސްޓް ހިމެނޭގޮތަށް އިސްރާއީލުގެ މީޑިއާ ތަކުން އަންދާޒާ ކޮށްފައިވަނީ މުޅި ޣައްޒާގައި 20،000 އާއި 23،000 އާ ދެމެދުގެ އަދަދެއްގެ ހަނގުރާމަވެރިން ތިބި ކަމަށެވެ. މީގެ ތެރޭގައި ހަމާސް އާއި އިސްލާމިކް ޖިހާދުގެ ހަނގުރާމަވެރިންނާއި، އަދި ވަކިވަކި ހަނގުރާމަވެރިން ހިމެނޭ ކަމަށް ބުނެފައިވެއެވެ.
"ހަމާސްއިން އައު ހަނގުރާމަވެރިން ރެކްރޫޓްކުރުމުގެ ތެރެއިން ފާހަގަކުރެވޭ ވަރުގެ އާލާވުމެއް ފާހަގަ ކުރެވެމުން އެބަދެއެވެ،" ޖެރޫސަލަމް ޕޯސްޓުން ބުރާސްފަތި ދުވަހު ރިޕޯޓުކޮށްފައިވެއެވެ.
އިސްރާއީލުގެ މީޑިއާ ރިޕޯޓުތަކަށް ބަލާއިރު މި އަދަދުތަކުން ހަމާސްގެ މައްޗަށް ފުރިހަމަ ކާމިޔާބީއެއް ހޯދުމާ ކައިރިވެފައިވާ ކަމަށް އިސްރާއީލުން ދައްކާ ވާހަކަތަކައް ދެކޮޅު ނުޖެހޭ ކަން ފާހަގަ ކުރެވެއެވެ.
