ސައުތު ޕޯލް އަށް ވަޑައިގެންނެވި އެމެރިކާ ބައްރުގެ ފުރަތަމަ ރައީސް ކަމުގައި ޗިލީގެ ރައީސް ގަބްރިއެލް ބޮރިޗް ވެވަޑައިގެންފިއެވެ.

ބޮރިޗް ވަޑައިގަތީ އެންޓާޓިކާގައި ހުންނަ އެމެރިކާގެ ބޭސް އަށެވެ.

ޗިލީގެ ރައީސް އެންޓާކްޓިކާ ގައި ހުންނަ އެމެރިކާގެ އެމެންޑްސަން-ސްކޮޓް ސައުތު ޕޯލް ސްޓޭޝަން ގައި ވާހަކަފުޅު ދައްކަވަމުން ވަނީ އެންޓާކްޓިކާގެ ބައެއް ޗިލީގެ އިސްތިގްލާލުގެ ތެރޭގައި ހިމެނުމަށް ޗިލީ އިން ކުރާ މަސައްކަތް ފާހަގަ ކުރައްވާފައެވެ.

ބޮރިޗްގެ އެންޓާކްޓިކާ ދަތުރުފުޅުގެ ވީޑިއޯ ޗިލީ ޓީވީން ދައްކާފައިވާ އިރު، އޭނާ ވިދާޅުވީ ޗިލީގެ ރައީސަކު ސައުތު ޕޯލަށް ކުރެއްވި މިއީ ފުރަތަމަ ޒިޔާރަތް ކަމަށެވެ.

ބޮރިޗް ދަތުރުކުރެއްވީ ސައިންސްވެރިންގެ ގްރޫޕަކާއި އެ ގަމުގެ ތިމާވެށްޓާއި ބެހޭ ވަޒީރާއި އަސްކަރިއްޔާ އާ ބެހޭ ވަޒީރު ހިމެނޭ ގޮތަށް ކެބިނެޓްގެ ބައެއް މެމްބަރުންނާ އެކުގައެވެ.

ބޮރިޗް ވިދާޅުވީ މިދަތުރުފުޅަކީ އެ ސަރަހައްދުގައި ހިންގާ ސައިންޓިފިކް މަސައްކަތްތަކާއި، ހާއްސަކޮށް މޫސުމަށް އަންނަ ބަދަލުތަކާ ގުޅޭ ދިރާސާތަކުގައި ޗިލީ އިން މުހިންމު ދައުރެއް އަދާ ކުރުމަށް ކަނޑައަޅާފައި އޮތުމާއެކު ކުރެއްވި ދަތުރުފުޅެއް ކަމަށެވެ.

ސަރުކާރުން ނެރުނު ބަޔާނެއްގައި ބުނެފައިވަނީ ރިސާޗް ސެންޓަރުތަކާއި، ޔުނިވާސިޓީތަކާއި، ޑިޕްލޮމެޓުންނާއި، އަސްކަރިއްޔާ ގުޅިގެން ޗިލީ އަކީ އެންޓާކްޓިކާ އަށް އޮތް ދޮރާށީގެ ގޮތުގައި ހެދުމަށް މަސައްކަތް ކުރާނެ ކަމަށެވެ.

2021 ވަނަ އަހަރު ޗިލީގެ ރިޔާސީ އިންތިހާބު ކުރެއްވި ރައީސް ގަބްރިއަލް ބޮރިޗް އަކީ އެގައުމުގެ ތާރީޚުގައި އުމުރުން 35 އަހަރުގައި ވެރިކަމަށް ވަޑައިގެންނެވި އެންމެ ޒުވާން ރައީސް އެވެ.

ބޮރިޗް ގެ ކުރިން ސައުތު ޕޯލަށް ޒިޔާރަތް ކުރެއްވީ ދުނިޔޭގެ އެންމެ ދެ ލީޑަރުންނެވެ، އެއީ ނިއުޒީލެންޑާއި ނޯވޭގެ ބޮޑުވަޒީރުންނެވެ.

ޗިލީ، އިނގިރޭސިވިލާތް، ފްރާންސް، ނޯވޭ، އޮސްޓްރޭލިއާ، ނިއުޒީލެންޑް އަދި އާޖެންޓީނާ ހިމެނޭ ގޮތަށް ބައެއް ގައުމުތަކުން އެންޓާޓިކާގެ ބައެއް ހިސާބުތަކަށް އެ ގައުމުތަކުގެ އިހްތިސާސްގައި ހިމަނާ އެތަނުގައި ވަނީ ގާއިމުވެފައެވެ.

އެންޓާޓިކާ އަކީ ގައުމެއް ނޫނެވެ. އެއީ ސަރުކާރެއް އަދި ކުރިން ބަޔަކު އާބާދުވި ތަނެއްވެސް ނޫނެވެ. އޭގެ ބަދަލުގައި މުޅި ބައްރު ދަމަހައްޓަމުން އައިސްފައިވަނީ ސައިންޓްފިކް ދިރާސާ ތަކަށެވެ.

1961 ވަނަ އަހަރު އެންޓާރކްޓިކާ އެ ގޮތުގައި ދަމަހައްޓަން މުއާހަދާ އެއްވެސް ވަނީ އެކުލަވާލާފައެވެ.