ފްރާންސްގެ ޚާރިޖީ ވަޒީރު ސޫރިއާ އަށް ވަޑައިގެންފި

ފްރާންސްގެ ޚާރިޖީ ވަޒީރު ޖޯން-ނޮއެލް ބެރޯ ސޫރިއާ އަށް ވަޑައިގެންފިއެވެ.

ހުކުރު ދުވަހު މި ދަތުރުފުޅާ ބެހޭ ގޮތުން ސޫރިޔާ ގައި ވާހަކަފުޅު ދައްކަވަމުން އޭނާ ވަނީ "މިނިވަން، ހަމަޖެހުން އޮތް އަދި ސުލްޙަވެރި" ސޫރިއާ އެއް އުފެދޭނެ ކަމުގެ އުއްމީދު ފާޅު ކުރައްވާފައެވެ.

ފްރާންސްގެ ޚާރިޖީ ވަޒީރު ސޫރިއާ އަށް ވަޑައިގަތީ ވިލާތުގެ އިއްތިހާދުގެ ފަރާތުން ސޫރިއާ ގެ އައު ސަރުކާރާ އެކު މަޝްވަރާތައް ކުރެއްވުމަށް ކަމަށް މީޑިއާ ރިޕޯޓުތައް ބުނެއެވެ.

"މި އުއްމީދަކީ ޙަޤީޤީ އުއްމީދެއް" ނަމަވެސް އެއީ "ނާޒުކު" އުއްމީދެއް ކަމަށް ބެރޯ ވަނީ ދިމިޝްޤުގައި ހުންނަ ފްރާންސްގެ އެމްބަސީގައި ނޫސްވެރިންނާ ވާހަކަދައްކަވަމުން ވިދާޅުވެފައެވެ.

މިއީ ދިގު މުއްދަތަކަށް ސޫރިއާ ގައި ވެރިކަން ކުރެއްވި ބައްޝާރު އަލް-އަސަދު ވެރިކަމުން ވައްޓާލި ފަހުން ސޫރިއާ އަށް ފްރާންސްގެ ޚާރިޖީ ވަޒީރު ކުރެއްވި ފުރަތަމަ ދަތުރުފުޅެވެ.

ފްރާންސްގެ ބޭރު ގުޅުންތަކާބެހޭ ވަޒީރު ދިމިޝްޤަށް ވަޑައިގަތީ ހުކުރު ދުވަހުއެވެ. މިއީ މިހާތަނަށް ދުނިޔޭގެ ބޮޑު ބާރަކުން އެންމެ މަތީ ފެންވަރެއްގައި ސޫރިއާ ގެ ވެރިކަން ބަދަލުވި ފަހުން ކުރެވުނު ފުރަތަމަ ދަތުރުކަން ފާހަގަ ކުރެވެއެވެ.

ޖަރުމަނުން ނެރެފައިވާ ބަޔާނެއްގައި ބުނެފައިވާ ގޮތުން، ބެރޯ އާ ޖަރުމަނު ގެ ޚާރިޖީ ވަޒީރު މި ދަތުރުފުޅުގައި ގުޅި ވަޑައިގަންނަވާނެއެވެ.

އެ ދެ ބޭފުޅުން ވިލާތުގެ އިއްތިހާދުގެ ފަރާތުން އެކުގައި ސޫރިއާގެ އައު ވެރިޔާ އަޙްމަދު އަލް-ޝަރާޢު އާ މަޝްވަރާ ކުރައްވާނެ ކަމަށަ ރިޕޯޓުތައް ބުނެއެވެ.