ފުވައްމުލަކު ބޭރުން ބެހިގެން ދިޔަ ކަމަށް ބެލެވޭ ސޯމާލިއާގެ ތިން މީހަކު ފެނިއްޖެ

ފުވައްމުލަކު ސިޓީ ބޭރުން ބެހިގެން ދިޔަ ކަމަށް ބެލެވޭ ސޯމާލިއާގެ ތިން މީހަކު ހޯމަ ދުވަހު ފެނިއްޖެއެވެ.

ފުލުހުން ބުނީ، ކަނޑުމަތިން ބެހިގެން ދިއަ ކަމަށް ބެލެވޭ ބަޔަކު ހޯމަ ދުވަހު ފުވައްމަލައް ސިޓީ އަށް ގެނެވިފައިވާ ކަމަަށެވެ.

ފުލުހުން އެ ސަރަހައްދުގައި ހަރަކާތްތެރިވަމުންދާއިރު، މި ތިން މީހުން މިހާރު ތިބީ ފުވައްމުލަކު ބަނދަރުގައި, އެމްއެންޑީއެފްގެ ބެލުމުގެ ދަށުގައެވެ.

އެމްއެންޑީއެފުން ބުނެފައިވަނީ، އެ ސަރަހައްދަށް ގޮސް ބެލިބެލުމުން އެނގުނު ގޮތުގައި މި މީހުން އައިސްފައިވަނީ ރާއްޖެއިން ބޭރުގެ، ސޯމާލިއާގެ މީހުން ބޭނުންކުރާ ވައްތަރުގެ ސްކިފްއެއްގައި ކަަމަށާއި، މި ޑިންގީގައި ތިބި ތިން މީހުންނަކީ ސޯމާލިއާގެ މީހުން ކަމަށް ޝައްކުކުރެވޭ ކަމަށެވެ.

މި މައްސަލައާ ގުޅޭ އިތުރު ތަފްސީލުތައް އަދި ހާމަކޮށްފައެއް ނުވެއެވެ.

މި އަހަރުގެ ޖޫން މަހުގެ ތެރޭގައި ވެސް ނ. ވާވައްޗަށް ހާލުގައިޖެހިފައި ތިބި ބައެއް ޑިންގީއެއްގައި ލައްގާވައިފައި ވެއެވެ. އެފަހަރު ވެސް ޑިންގީގައި ސޯމާލިއާއަށް ނިސްބަތްވާ 3 މީހުން ތިއްބެވެ. ފުލުހުން އޭރު ބުނެފައިވަނީ، އެ ސޯމާލިއާ މީހުންނަކީ ކަނޑުމަތީގައި ހާލުގައި ޖެހި، ބެހިގެން އާދެވުނު ބައެއް ކަމަށެވެ.