ޣައްޒާގެ އުތުރާއި ދެކުނުގައި އިޒްރޭލުގެ ހަމަލާތަކުގައި 11 އާންމުން ޝަހީދުވެ، އެތައް ބަޔަކު ޒަޚަމްވެއްޖެ
އޮކްޓޯބަރު 2023 އިން ފެށިގެން ޔަހޫދީ ސިފައިން އެއްގަމާއި، ކަނޑާއި، ވައިގެ މަގުން ޣައްޒާއަށް ދެމުންދާ ހަމަލާތަކުގައި މިހާތަނަށް 43,764 އާންމު ރައްޔިތުން ޝަހީދުވެފައިވެއެވެ. އިޒްރޭލުގެ ހަމަލާތަކުގައި ޒަޚަމްވި ފަލަސްތީނު މީހުންގެ އަދަދު 103،490ށް ވަނީ އަރާފައެވެ.
ޣައްޒާ ގައި އިޒްރޭލުގެ ހަމަލާއެއްގައި ޒަޚަމްވީ ތުއްތު ކުއްޖަކަށް ފަރުވާދެނީ
ހަނގުރާމައިގެ ތެރޭގައިވާ ޣައްޒާގެ އުތުރާއި ދެކުނަށް އިޒްރޭލުން ވައިގެ މަގުންނާއި ބޮޑުބަޑިން ހުކުރު ދުވަހުގެ ހަވީރު ދިން ހަމަލާތަކުގައި 11 އާންމު ރައްޔިތުން ޝަހީދުވެ، އަދި އެތައް ބަޔަކަށް އަނިޔާވެއްޖެއެވެ.
ވަފާގެ ނޫހުން ބުނާ ގޮތުގައި، ޣައްޒާ ސިޓީގެ އުތުރުގައިވާ އަލް-ކަރާމާ ސަރަޙައްދުގައި އިޒްރޭލުން ދިން ހަމަލާއެއްގައި 4 އާންމު ރައްޔިތުން ޝަހީދުވެ، އެތައް ބަޔަކަށް އަނިޔާވެފައިވެއެވެ.
އަދި ސިޓީގެ ދެކުނު އިރުމަތީގައިވާ ޒައިތޫން ސަރަޙައްދުގެ ގެއަކަށް އިޒްރޭލުން ދިން ބޮމުގެ ހަމަލާއެއްގައި 2 އާންމު ރައްޔިތުން ޝަހީދުވެ އެތައް ބަޔަކު ވަނީ ޒަޚަމްވެފައެވެ.
އުތުރު ޣައްޒާގެ މެދުތެރޭގައި ޔަހޫދީ ބާރުތަކުން ޒުވާނެއްގެ ގަޔަށް ބަޑި ޖަހާ ވަނީ ޝަހީދު ކޮށްލާފައެވެ. މަންޒަރު ދުށް މީހުންނާ ހަވާލާދީ ރިޕޯޓުތައް ބުނާ ގޮތުގައި އެ ޒުވާނާގެ ގަޔަށް ބަޑިޖަހާ، އޭނާ އަށް ސިއްހީ ފަރުވާ ދިނުމަށް ހުރަސް އަޅާ، އެމްބިއުލާންސް ކައިރިވިޔަ ނުދީ އޭނާ މަރުވަންދެން ޔަހޫދީ ސިފައިން ތިބީ އެ ސަރަހައްދު ހިސޯރުކޮށްގެންނެވެ.
ދެކުނު ޣައްޒާގައި، އާންމު ރައްޔިތުންނާއި މީހުން ސަލާމަތް ކުރުމުގައި ހަރަކާތްތެރިވާ އޮފިޝަލުންނާއި އެމްބިއުލާންސް ޚިދުމަތްތަކުން ރަފަހް ސިޓީގެ އިރުމަތީގައިވާ އެކި ސަރަޙައްދުތަކުގައި އޮކިއުޕޭޝަން ބާރުތަކުގެ ހަމަލާތަކުގައި ޝަހީދުވެފައިވާ 4 އާންމު ރައްޔިތުންގެ ހަށިގަނޑު ވަނީ ނަގާފައެވެ.
މެޑިކަލް ވަސީލަތްތަކުން ބުނާ ގޮތުގައި، ހުކުރު ދުވަހުގެ ފަތިހުން ފެށިގެން ޣައްޒާގައި މަރުވެފައިވާ އާންމު ރައްޔިތުންގެ އަދަދު މަދުވެގެން 37 އަށް އަރާފައިވެއެވެ.
ޔަހޫދީ ބާރުތަކުގެ ހަނގުރާމަ މަތީ މަތިންދާބޯޓުތަކާއި ބޮޑުބަޑިތަކުން އުތުރު ޣައްޒާގެ ބައިތު ލަހިޔާ އަވަށަށް އަދި ޣައްޒާ ސިޓީގެ އެކި ސަރަޙައްދުތަކާއި، ދެކުނުގައިވާ ރަފަހް ގެ ޝަބޯރާ ސަރަޙައްދަށް ވެސް ހަމަލާދީފައިވެއެވެ.
މީގެ އިތުރުން، އުތުރު ޣައްޒާގެ ޖަބާލިޔާ ރެފިއުޖީ ކޭމްޕުގެ ހުޅަނގުގައިވާ އެތައް އާންމުންގެ އިމާރާތްތަކެއް އިޒްރޭލުގެ ބާރުތަކުން ވަނީ ގޮއްވާލާފައެވެ.
7 އޮކްޓޯބަރު 2023 އިން ފެށިގެން ޔަހޫދީ ސިފައިން އެއްގަމާއި، ކަނޑާއި، ވައިގެ މަގުން ޣައްޒާއަށް ދެމުންދާ ހަމަލާތަކުގައި މިހާތަނަށް 43,764 އާންމު ރައްޔިތުން ޝަހީދުވެފައިވެއެވެ. އިޒްރޭލުގެ ހަމަލާތަކުގައި ޒަޚަމްވި ފަލަސްތީނު މީހުންގެ އަދަދު 103،490ށް ވަނީ އަރާފައެވެ.
