ސަރުކާރުގެ ވިސްނުމަކީ ރައްޔިތުން ރަށު ބަންދުކުރުން- ޝާހިދު

ސަރުކާރުގެ ވިސްނުމަކީ ރައްޔިތުން ރަށު ބަންދުކުރުންކަމަށް އެމްޑީޕީގެ ރައީސް އަބްދުﷲ ޝާހިދު ވިދާޅުވެއްޖެއެވެ.

ޝާހިދު އެފަދައިން ވިދާޅުވީ އެމްޑީޕީގެ ލާމަރުކަޒީ ގުޅުން ކޮންފަރެންސްގައި ވާހަކަދައްކަވަމުންނެވެ.

އެމްޑީޕީއަކީ ލާމަރުކަޒީ ނިޒާމު އެ ޕާޓީއެއްގެ ބަނޑުން ވިހެއި ޕާޓީ ކަމަށް ފާހަގަކުރައްވަމުން ޝާހިދު ވިދާޅުވީ އެމްޑީޕީގެ ފިކުރަކީ މިނިވަންކަމުގެ ފިކުރު ކަމަށާއި އެއީ ލާމަރުކަޒީ ކުރުމުގެ ފިކުރު ކަމަށެވެ.

އެމްޑީޕީއާ ލާމަރުކަޒީ ނިޒާމު އޮތީ ގުޅިލާމެހިފައި ކަމަށާއި ލާމަރުކަޒީ ގުޅުން ކޮންފަރެންސް އިން އެނގޭ ކަމަކީ އެމްޑީޕީގެ ފިކުރު ބަދަލު ނުވާކަން ކްމަށް ޝާހިދު ވިދާޅުވިއެވެ. އެމްޑީޕީގެ ތެރެއިން ލާމަރުކަޒީ ނިޒާމް ގެނައުމަކީ އެއީ އުފާކުރައްވާ ކަމެއް ކަމަށް ވެސް ޝާހިދު ވަނީ ވިދާޅުވެފައެވެ.

ރާއްޖޭގައި އޮތީ ލާމަރުކަޒީ ފިކުރާއި މަރުކަޒުކުރުމުގެ ފިކުރުކަމަށް ޝާހިދު ވިދާޅުވިއެވެ. ރާއްޖޭގައި އޮތީ ނަފްރަތުކުރުމާ ފިތުނައިގެ ފިކުރަކާއި އިތުބާރުގެ ފިކުރެއް ކަމަށް ވެސް އެ މަނިކުފާނު ވަނީ ވިދާޅުވެފައެވެ. ޝާހިދު އެފަދައިން ވިދާޅުވީ އެމްޑީޕީ އާއި އެހެނިހެން ފިކުރުތައް އަޅާކިޔުމުގެ ގޮތުން ވާހަކަދައްކަވަމުންނެވެ.

މިއަދު ވެރިކަމުގައި ތިބީ ކަންކަން ނެތިކޮށްލުމުގެ ފިކުރުގައި އައިސްތިބި ބައެއް ކަމަށް ޝާހިދު ވަނީ ވިދާޅުވެފައެވެ.

އިތުރަށް ވާހަކަދައްކަވަމުން ޝާހިދު ވިދާޅުވީ އެމްޑީޕީގެ ފިކުރަށް އެއްވެސް ބަދަލެއް ނައިސް ޕާޓީ އޮތީ ވަރުގަދަކޮށް ކަމަށެވެ. އަދި ސަރުކާރުގެ ވިސްނުން ހުރީ ރަށުބަންދުގައި ރައްޔިތުން ބޭތިއްބުމަށް ކަމަށް ޝާހިދު ވިދާޅުވިއެވެ. އަދި ފަތުރުވެރިކަމުގެ ސިނާއަތު ހަލާކުކޮށްލުމަށާ ގެސްޓު ހައުސްގެ ސިނާއަތު ހަލާކުކޮށްލުމަށް ސަރުކާރުން ވިސްނުން ގެންގުޅޭ ކަމަށް ޝާހިދު ވިދާޅުވިއެވެ.

އެ މަނިކުފާނު ވިދާޅުވީ އެމްޑީޕީ އެމްޑީޕީ ސަރުކާރުން ރަށްރަށުގައި ފެށި މަޝްރޫއުތަކުގެ މަސައްކަތް މި ސަރުކާރުން ހުއްޓުވާފައިވާ ކަމަށާއި އާއްމުންނާއި މެދު ސަރުކާރުން ނުވިސްނާ ކަމަށެވެ.