އިނގިރޭސި ޕްރިމިއާ ލީގުގައި ނިއުކާސަލް ޔުނައިޓެޑާ ދެކޮޅަށް ކުޅުނު މެޗުން، އެންމެ ފަހުގެ ޗެމްޕިއަން މެންޗެސްޓަރ ސިޓީ އެއްވަރުވެއްޖެ އެވެ.
ނިއުކާސަލްގެ އަމިއްލަ ދަނޑުގައި ކުޅުނު މެޗު ނިމުނީ ދެ ޓީމު 1-1 އިން އެއްވަރުވެގެންނެވެ. މެޗުގައި ސިޓީން ވަނީ ފުރަތަމަ ލަނޑު ޖަހައި ކުރި ހޯދައިފަ އެވެ. ނަމަވެސް ދެ ވަނަ ހާފުގައި ނިއުކާސަލް އިން ވަނީ ލަނޑު ޖަހައިގެން ނަތީޖާ ހަމަހަމަ ކޮށްފަ އެވެ.
މެޗުގެ ފުރަތަމަ ހާފުގެ 35 ވަނަ މިނެޓުގައި ސިޓީ އަށް ލީޑު ނަގައިދިނީ ޖޮސްކޯ ގްވާޑިއޯލް އެވެ. އޭނާ އެ ލަނޑު ޖަހަން ފުރުސަތު ތަނަވަސްކޮށްދިނީ ޖެކް ގްރީލީޝް އެވެ. ދެ ވަނަ ހާފުގައި ނިއުކާސަލް އިން ނަތީޖާ ހަމަހަމަ ކުރީ އެ ޓީމަށް ލިބުނު ޕެނަލްޓީއެއް ކާމިޔާބު ކޮށްގެންނެވެ. އެ ޓީމަށް ލިބުނު ޕެނަލްޓީ ކާމިޔާބުކޮށް ނަތީޖާ ހަމަހަމަ ކޮށްދިނީ އެންތަނީ ގޯޑަންް އެވެ.
މިއީ އައު ސީޒަންގެ ލީގުގައި ސިޓީ އެއްވަރުވި ދެ ވަނަ މެޗެވެ. މިހާތަނަށް ކުޅުނު ހަ މެޗުގެ ތެރެއިން، އެ ޓީމު ވަނީ ހަތަރު މެޗުން މޮޅުވެފަ އެވެ. ހަ މެޗުން ލިބުނު 14 ޕޮއިންޓާއެކު ސިޓީ އޮތީ ދެ ވަނައިގަ އެވެ.
