ރާއްޖެ
މޫސުން ގޯސްވުން
ބޯކޮށް ވާރޭވެހި ގުގުރާނެކަމަށް ލަފާކޮށް، ހއ އަތޮޅުން އދ އަތޮޅަށް ހުދު ސަމާލު ނެރެފި
މޫސުމަށް ސަމާލުވުމަށް މެޓް އޮފީހުން ވަނީ އިލްތިމާސްކޮށްފައި
ލައިޝާ އަހްމަދު, ރާއްޖެ އެމްވީ | 13 ޖުލައި 2024 | ހޮނިހިރު 07:19
ދަތުރުފަތުރު ކުރުމުގައި ސަލާމަތާއި ރައްކާތެރިކަން ކަށަވަރު ކުރުމަށް އިލްތިމާސްކޮށްފި
ބޯކޮށް ވާރޭވެހި ގުގުރާނެކަމަށް ލަފާކޮށް، ހއ އަތޮޅުން އދ އަތޮޅަށް ހުދު ސަމާލު ނެރެފިއެވެ.
މޫސުމާ ބެހޭ ޤައުމީ އިދާރާ (މެޓް އޮފީސް) އިން ބުނީ، ހުދު ސަމާލު ނެރެފައިވަނީ ހޮނިހިރު ދުވަހުގެ މެންދުރު 12:00ން އިރު އޮއްސި 18:00 އާ ހަމައަށް ކަމަށެވެ.
އެ ވަގުތުތަކުގައި ބޯކޮށް ވާރޭ ވެހުމާއެކު ގުގުރުމާއި، އަދި ވިލާގަނޑުގައި ގަޑިއަކު 40 މޭލަށް ވައި ގަދަވާނެކަމަށް ވަނީ ލަފާކޮށްފައެވެ.
އެހެންކަމުން މޫސުމަށް ސަމާލުވުމަށް މެޓް އޮފީހުން ވަނީ އިލްތިމާސްކޮށްފައެވެ.
