ފްރާންސް މެޗަށް ސްޕޭނުގެ ތިން ކުޅުންތެރިއަކު ސަސްޕެންޑް
މި ތިން ކުޅުންތެރިންނަކީ ދެ ޑިފެންޑަރުން ކަމަށްވާ ޑެނީ ކަވަހާލް އާއި ރޮބިން ލެ ނޯމަންޑް އާއި ފޯވަޑް އަދި ކެޕްޓަން އަލްވާރޯ މޮރާޓާ އެވެ.
ސްޕޭނުގެ ކުޅުންތެރިންނަށް ރެފްރީ ކާޑު ދައްކަނީ
ޔޫރޯ ފުޓްބޯޅަ މުބާރާތުގައި މިރޭ ފްރާންސާ ދެކޮޅަށް ސްޕޭނުގެ ތިން ކުޅުންތެރިއަކަށް ނުކުޅެވޭނެހެން ސަސްޕެންޑްކޮށްފި އެވެ.
މި ތިން ކުޅުންތެރިންނަކީ ދެ ޑިފެންޑަރުން ކަމަށްވާ ޑެނީ ކަވަހާލް އާއި ރޮބިން ލެ ނޯމަންޑް އާއި ފޯވަޑް އަދި ކެޕްޓަން އަލްވާރޯ މޮރާޓާ އެވެ. މީގެ އިތުރުން ޖާމަނީ މެޗުގައި އަނިޔާވެގެން ބޭލި ސްޕޭނުގެ މިޑްފީލްޑަރު ރޮޑްރީ އަށް ވެސް މި މެޗުގައި ނުކުޅެވޭނެ އެވެ.
ސްޕޭން ޓީމުގައި ސަސްޕެންޝަނުގެ މައްސަލަ ބޮޑަސް ފްރާންސް ޓީމުގައި މިފަދަ މައްސަލައެއްނެތެވެ. އެޑްރިއަން ރަބިއޯ މި މެޗަށް ނުކުންނާނީ ސަސްޕެންޝަނެއް ނިންމާފަ އެވެ.
މި މުބާރާތުގައި ސްޕޭން ޓީމުން އެންމެ ބޮޑަށް ވިދަމުން އަންނަ ކުޅުންތެރިއަކީ ޗެކްސީގެ މާކް ކުކުރޭޔާ އެވެ. އޭނާ ބުނީ މުހިންމު ދެ ޑިފެންޑަރުން ނެތަސް ފްރާންސްގެ ފޯވަޑުން ހުއްޓުވާނެގޮތް އެނގޭ ކަމަށެވެ.
އޭނާ ބުނީ މުބާރާތުގައި ސްޕޭން ޓީމު ވަނީ ކިތަންމެ ގަދަ ޓީމެއް ވެސް ބަލިކުރެވޭނެކަން ސާބިތުކޮށްދީފައި ކަމަށެވެ. މިހެންވެ ފްރާންސާ ދެކޮޅަށް ސްޕޭން ނުކުންނާނީ ފުރިހަމަ އިތުބާރާއެކުގައި ކަމަށެވެ.
މި މެޗުން މޮޅުވާ ޓީމެއް ފައިނަލުގައި ކުޅޭނީ މާދަމާ ރޭ އިނގިރޭސިވިލާތާއި ނެދަލޭންޑްސް ކުޅެގެން މޮޅުވާ ޓީމަކާ އެވެ.
