އެންމެ ބޮޑަށް އެބޭފުޅަކަށްޓަކައި ފަހުރުވެރިވެވަޑައިގަންނަވާ ސިޔާސީ ބޭފުޅަކީ އަބްދުއްރަހީމް ކަމަށް ރައީސް ޑރ. މުހައްމަދު މުއިއްޒު ދެއްކެވި ވާހަކަފުޅާއެކު އަބްދުއްރަހީމް ބޭއަދަބީ ބަހުން މަޖިލިސް ތެރޭއާއި ސިޔާސީ މަސައްކަތުގައި އުޅުއްވަނިކޮށް ކިޔުއްވާފައި ހުރި އެއްޗެހިން ސޯޝަލް މީޑިއާ ފުރާލައިފިއެވެ.
އަބްދުއްރަހީމަކީ ސިޔާސީ މައިދާނުގައި ނުފޫޒުގަދަ ބޭފުޅެއް ނަމަވެސް ފާއިތުވި ތަނުގައި އަދި މަޖިލީހުގައި އުޅުއްވި އިރު، އޭނާގެ ފަރާތުން ބޭއަދަބީ އަދި އަހުލާގީ ފެންވަރު ދަށް ކަންކަން ފެނިފައި އެބަހުއްޓެވެ. އަދި އެ ވީޑިއޯތައް މީގެ ކުރިންވެސް ސޯޝަލް މީޑިއާގައި ދައުރުވިއެވެ.
އަނެއްކާ ވެސް އެ ވީޑިއޯތައް ސޯޝަލް މީޑިއާގައި ދައުރުވާން ފަށާފައިވަނީ އެންމެ ބޮޑަށް އެބޭފުޅަކަށްޓަކައި ފަހުރުވެރިވެވަޑައިގަންނަވާ ސިޔާސީ ބޭފުޅަކީ އަބްދުއްރަހީމް ކަމަށް ރައީސް ޑރ. މުހައްމަދު މުއިއްޒު ވިދާޅުވި ވާހަކަފުޅާ ގުޅިގެންނެވެ.
ރައީސް މުއިއްޒު ވިދާޅުވީ ހުރިހާ އެންމެން އެކަތިގަނޑަކަށް ވެވަޑައިގެން އެންމެ މަތީ އިންސައްތައަކުން މަޖިލީހަށް ހޮއްވަވާ ދެއްވާ ބޭފުޅަކަށް އަބްދުއްރަހީމް ހައްދަވައިދެއްވުމަކީ އެމަނިކުފާނު އުފާފުޅު ކުރައްވާނެ ކަމެއް ކަމަށެވެ. ރައީސް މުއިއްޒު ވަނީ އެކަމަށް ވަރުގަދައަށް މަސައްކަތް ކޮށްދެއްވުމަށް ވެސް އެދިވަޑައިގަންނަވާފައެވެ.
ރައީސް މުއިއްޒު ވިދާޅުވީ އަބްދުއްރަހީމަކީ މިދިޔަ ހުރިހާ ދުވަހު ސިޔާސީ މަސައްކަތުގައި، އެމަނިކުފާނަށް ދިމާވި ހުރިހާ ދުވަހަކު ހުރިހާ ކަމެއްގައި އެންމެ ބޮޑަށް އެހީތެރިކަން ދެއްވި ބޭފުޅާކަމަށެވެ. އެއީ ރައީސް ޔާމީންގެ ވެރިކަމުގައިވެސް އެންމެ ބޮޑަށް އެހީތެރިކަން ދެއްވި ބޭފުޅާކަމަށް ވެސް ރައީސް މުއިއްޒު ވިދާޅުވިއެވެ.
އެހެންކަމުން އަބްދުއްރަހީމަށް ފުރިހަމަ އިތުބާރު އެބައޮތް ކަމަށާއި، އެންމެ ބޮޑަށް އެބޭފުޅަކަށްޓަކައި ފަހުރުވެރިވެވަޑައިގަންނަވާ ސިޔާސީ ބޭފުޅަކީ އަބްދުއްރަހީމް ކަމަށް ރައީސް ވިދާޅުވިއެވެ. އެހެންކަމުން އަބްދުއްރަހީމް އެ ގޮނޑިއަށް ހޮއްވަވައި ދެއްވުމަކީ ރައްޔިތުންނާއި އެމަނިކުފާނަށްވެސް ކޮށްދެެވޭނެ ވަރަށް ބޮޑު ކަމަކަށްވާނެ ކަމަށެވެ.
ރައީސް ވިދާޅުވީ އެކަމުގައި ދެބަސްވުމެއް ނެތް ކަމަށާއި، އެދިވަޑައިގަންނަވަނީ އިތުރު މަސައްކަތްތަކެއް ކުރައްވާ ނަތީޖާ ފުރިހަމަކޮށްދެއްވުން ކަމަށެވެ.
ރައީސްގެ ވާހަކަފުޅަށް ރައްދު ދީ ޝޯޝަލް މީޑިއާގައި ދަނީ މަލާމާތް ކުރަމުންނެެވެ. އެގޮތުން މެންބަރުކަމުގައި އަބުދުއްރަހީމް ހުންނެވި އިރު މަޖލިސް ތެރޭގައި އުޅުއްވި ވީޑިއޯ މީހުން ވަނީ ޝެއަރކޮފައެވެ.
