ދިވެހި މަަސްދޯންޏަަކަށް ބޭރުގެ ސިފައިން އެރިކަމަށް ބެލެވޭތީ އެސަރަހައްދަށް އެމްއެންޑީއެފުން ދަތުރުކުރަނީ
31 ޖެނުއަރީ 2024 | ބުދަ 11:41ބައެއް މީޑިއާތަކުގައި ރިޕޯޓުކޮށްފައިވާ ގޮތުގައިި އެ މަސްދޯންޏަށް އަރާފައިވަނީ އިންޑިއާ ސިފައިން
އެމްއެންޑީއެފުން ކަނޑުމަތީގައި ހަރަކާތްތެރިވަނީ- ފައިލް ފޮޓޯ
ދިވެހިރާއްޖޭގެ ޚާއްސަ އިގްތިސާދީ ސަރަހައްދުގައި ވަނިކޮށް ދިވެހި މަަސްދޯންޏަަކަށް ބޭރުގެ އަސްކަރިއްޔާއަކަށް ނިސްބަތްވާ އުޅަނދެއްގެ ބޯޑިން ޓީމަކުން އެ މަސްދޯންޏަށް އަރާފައިވާ ކަމަށް ބެލެވޭތީ އެމްއެންޑީއެފް ކޯސްޓްގާޑުގެ އުޅަނދެއް އެސަރަހައްދަށް ދަތުރު ކުރަން ފަށައިފިއެވެ.
ބުދަ ދުވަހު އެމްއެންޑީއެފުން ބުނީ ރާއްޖޭގެ ޚާއްސަ އިގްތިސާދީ ސަރަހައްދުގައި ވަނިކޮށް ދިވެހި މަަސްދޯންޏަަކަށް ބޭރުގެ އަސްކަރިއްޔާއަކަށް ނިސްބަތްވާ އުޅަނދެއްގެ ބޯޑިން ޓީމަކުން މަސްދޯންޏަށް އަރާފައިވާކަމުގެ ރިޕޯޓެއް ލިބިފައިވާތީ އެކަން އެމްއެންޑީއެފްއިން ބަލަމުންދާ ކަމަށެވެ.
އަދި އެސަރަހައްދަށް އެމްއެންޑީއެފް ކޯސްޓްގާޑުގެ އުޅަނދެއް މިހާރުދަނީ ދަތުރު ކުރަމުން ކަމަށް އެމްއެންޑީއެފުން ބުނެއެވެ.
ބައެއް މީޑިއާތަކުގައި ރިޕޯޓުކޮށްފައިވާ ގޮތުގައިި އެ މަސްދޯންޏަށް އަރާފައިވަނީ އިންޑިއާ ސިފައިންނެވެ. އަދި އިންޑިއާ ސިފައިންގެ ބަޔަކު އެރީ އދ. މަހިބަދޫއަށް ނިސްބަތްވާ "އަސުރުމާ 3" ދޯންޏަށް ކަމަށް ރިޕޯޓުކޮށްފައިވެއެވެ.
