މަރުވެފައި އޮތް މީހެއްގެ ހަށިގަނޑު ކަނޑުމަތިން ފެނިއްޖެ
މަރުވެފައި އޮއްވައި ފެނިފައިވަނީ ކ އަތޮޅު ރިސޯޓެއްގައި މަސައްކަތްކުރާ 35 އަހަރުގެ ދިވެހި ފިރިހެނެއް
އަމްނާ އިމާދު | 18 ޖެނުއަރީ 2024 | ބުރާސްފަތި 10:59
ކޯސްޓްގާޑު، ކަނޑުމަތީގައި ހަރަކާތްތެރިވަނީ - ފައިލް ފޮޓޯ
ވެލައްސަރު ރިސޯޓު ކައިރިން ކަނޑުމަތިން، މަރުވެފައި އޮތް މީހެއްގެ ހަށިގަނޑު ފެނިއްޖެއެވެ.
ފުލުހުން ބުނީ ވެލައްސަރު ރިސޯޓު ކައިރިން ކަނޑުމަތިން، މަރުވެފައި އޮތް މީހަކު ފެނިގެން ބުރާސްފަތި ދުވަހުގެ ހެނދުނު 9:11ހާއިރު ފުލުހުންނަށް ރިޕޯޓުކޮށްފައި ވާކަމަށެވެ.
މަރުވެފައި އޮއްވައި ފެނިފައިވަނީ ކ އަތޮޅު ރިސޯޓެއްގައި މަސައްކަތްކުރާ 35 އަހަރުގެ ދިވެހި ފިރިހެނެއްކަން، މިހާތަނަށް ބެލިބެލުމުން އެނގިފައިވާ ކަމަށް ފުލުހުން ބުނެއެވެ.
މިމައްސަލަ ފުލުހުންދަނީ ދަނީ ތަހުގީގު ކުރަމުންނެވެ.
