ރީތިރަށް އަދި ކޮއްދިއްޕަރު މޮޅުވެއްޖެ

ވޮލީބޯލް އެސޯސިއޭޝަން އޮފް މޯލްޑިވްސް އިން އިންތިޒާމުކޮށްގެން ކުރިއަށް ގެންދާ، ސޮނީ ސްޕޯޓްސް 18 ވަނަ އިންޓަ ރިސޯޓް ވޮލީބޯޅަ މުބާރާތުގެ ޒޯން 1 ގައި ބުރާސްފަތި ދުވަހު ކުޅުނު މެޗުތައް ވަން އެންޑް އޮންލީ ރީތިރަށް އަދި ގްރޭންޑް ޕާކް ކޮއްދިއްޕަރުން ކާމިޔާބުކޮށްފިއެވެ.

ބުރާސްފަތި ދުވަހު ކުޅުނު ފުރަތަމަ މެޗް ގްރޭންޑް ޕާކް ކޮއްދިއްޕަރުން ކާމިޔާބުކުރީ ބަނޑޮސް މޯލްޑިވްސް އާއި ވާދަކޮށް 3-1 ސެޓުންނެވެ. ވާދަވެރި ކުޅުމެއް ފެނިގެންދިޔަ މި މެޗުގެ ފުރަތަމަ ސެޓް 25-19 އިން ކޮއްދިއްޕަރު ކާމިޔާބު ކޮށްފައި ވަނިކޮށް ބަނޑޮހުން ވަނީ ދެވަނަ ސެޓު އަތުލާފައެވެ. ބަނޑޮހުން ދެވަނަ ސެޓު ގެންދިޔައީ 25-22 އިންނެވެ. ނަމަވެސް ގްރޭންޑް ޕާކް ކޮއްދިއްޕަރުން ވަނީ ވާދަވެރި ކުޅުމަކަށްފަހު ފަހު 2 ސެޓު ގެންގޮސް މެޗު ކާމިޔާބުކޮށްފައެވެ. އެޓީމުން ސެޓުތަށް ގެންދިޔައީ 25-21 އަދި 27-25 އިންނެވެ. މެޗުގެ މޮޅު ކުޅުންތެރިއަކަށް ހޮވިފައިވަނީ ގްރޭންޑް ޕާކް ކޮއްދިއްޕަރުގެ އާދަމް ނަސީމް އެވެ.

ބުރާސްފަތި ދުވަހު ކުޅުނު ދެވަނަ މެޗް ވަން އެންޑް އޮންލީ ރީތިރަށުން ކާމިޔާބުކުރީ ކޮކޯ ބޮޑު ހިއްޗާ ވާދަކޮށް 3-1 ސެޓުންނެވެ. ފޯރިގަދަ ކުޅުމެއް ފެނިގެންދިޔަ މި މެޗުގެ ފުރަތަމަ ދެ ސެޓް ގެންގޮސްފައިވަނީ ވަން އެންޑް އޮންލީ ރީތި ރަށުންނެވެ. އެޓީމުން ސެޓުތައް ގެންދިޔައީ 25-16 އަދި 2518 އިންނެވެ. ކޮކޯ ބޮޑު ހިތިން ވަނީ 3 ވަނަ ސެޓުގައި މޮޅު ކުޅުމެއް ދައްކައިން 25-16 އިން ކާމިޔާބުކޮށްފައެވެ. ނަމަވެސް 4 ވަނަ ސެޓު 25-23 އިން ގެންގޮސް ވަން އެންޑް އޮންލީ ރީތި ރަށުން ވަނީ މެޗު ކާމިޔާބުކޮށްފައެވެ. މި މެޗުގެ މޮޅު ކުޅުންތެރިއަކަށް ހޮވިފައިވަނީ ވަން އެންޑް އޮންލީ ރީތިރަށުގެ ހުސައިން އަންވަރެވެ.

ޖުމްލަ ފަސް ޒޯން ހިމެނޭ މި މުބާރާތުގައި މިފަހަރު 21 ޓީމު ވާދަކުރާއިރު، އަލަށް ބައިވެރިވި ޓީމުތައްވެސް ހިމެނެއެވެ. އެހެން މުބާރާތްތަކާ ހިލާފަށް މިފަހަރު މުބާރާތުގައި ކޮންމެ ޓީމަކަށްވެސް ކުޅެވޭނީ ގައުމީ ޓީމުގައި ހިމެނޭ ދެ ކުޅުންތެރިންނަށެވެ.