އަދަބެއްގެ ގޮތުން ޕޮއިންޓް އުނިކުރުމުން ރެލިގޭޝަން ޒޯނަށް ސޮއްސާލި އެވަޓަން އިން ޗެލްސީ ވެސް ބަލިކޮށް, ރައްކާތެރި ހިސާބުގައި ލީޑެއް ނަގައިފިއެވެ.

އަމިއްލަ ދަނޑުގައި އެވަޓަން އިން ޗެލްސީ ބަލިކުރީ 2-0 ނެވެ. އެވަޓަން އިން މެޗުގައި ދެ ލަނޑު ވެސް ޖެހީ ދެވަނަ ހާފްގައެވެ. ފުރަތަމަ ލަނޑު ދެވަނަ ހާފް ފަށައިގެން ނުވަ ވަނަ މިނެޓުގައި ޖެހީ ޑޯކޯހޭއެވެ. އެންމެ ފަހުން އެވަޓަން ކުޅުނު ދެ މެޗުގައި ވެސް އޭނާ ވަނީ ލަނޑު ޖަހާފައެވެ. އެވަޓަންގެ ދެވަނަ ލަނޑު ޖެހީ މެޗުގެ އިތުރު ވަގުތުގައި ޑޮބިންއެވެ. މިއީ ލީގުގައި ވިދިވިދިގެން އެވަޓަން ހޯދި ތިންވަނަ މޮޅެވެ. މިއީ 2021 ވަނަ އަހަރުގެ ފަހުން ލީގުގައި ވިދިވިދިގެން ތިން މެޗުން އެވަޓަން މޮޅުވި ފުރަތަަ ފަހަރެވެ.

މިމޮޅާއެކު އެވަޓަން ވަނީ ރެލިގޭޝަަންގައި އޮތް ޓީމްތަކުގެ މައްޗަށް ހަތަރު ޕޮއިންޓްގެ ލީޑެއް ނަގާ, ރައްކާތެރި ހިސާބުގައި ހަމަޖެހުމެއް ހޯދާފައެވެ. ޗެލްސީ އޮތީ 16 މެޗުން 19 ޕޮއިންޓާ އެކު 12 ވަނާގައެވެ.