އެންވަޔަރަމެންޓަލް އިމްޕެކްޓް އެސެސްމެންޓް (އީއައިއޭ) ނުހަދާ، ފެނަކަ ކޯޕަރޭޝަނުން 21 ރަށެއްގެ އިންޖީނުގެ އެޅުމުގެ އަމަލީ މަސައްކަތް ފަށާފައި ވާތީ އެ ކުންފުނި ހަތަރު މިލިއަން ރުފިޔާ އިން ޖޫރިމަނާކޮށްފިއެވެ.

އެންވަޔަރަމެންޓަލް ޕްރޮޓެކްޝަން އޭޖެންސީ (އީޕީއޭ) އިން ނެރުނު ބަޔާނެއްގައި ބުނެފައިވަނީ އީއައިއޭ ނުހަދައި ފެނަކައިން 21 ރަށެއްގެ އިންޖީނުގޭގެ މަސައްކަތް ފެށުމުގެ މައްސަލަ އެ އެޖެންސީން ބަލައި އެ މައްސަލައާ ގުޅިގެން އެއްކުރެވުނު މައުލޫމާތުން އެކަން ޔަގީންކުރެވިފައިވާ ކަމަށެވެ.

ތިމާވެއްޓަށް އަސަރު ފޯރާނެ މިންވަރު ބަޔާންކުރާ ރިޕޯޓު ހެދުމާބެހޭ ގަވާއިދުގެ ދަށުން 4،200،000ރ. (ހަތަރު މިލިއަން ދެލައްކަ ދިވެހި ރުފިޔާ) އިން ފެނަކަ ކޯޕަރޭޝަން ޖޫރިމަނާ ކޮށްފައިވާ ކަަމަށާއި ޖޫރިމަނާއަށްވާ އެ ފައިސާ 19 ނޮވެމްބަރުން ފެށިގެން 30 ދުވަހުގެ ތެރޭގައި އީޕީއޭއަށް ދެއްކުމަށް ވެސް އެ އޭޖެންސީން ވަނީ ފެނަކައަށް އަންގާފައެވެ.

އިންޖީނުގެ އެޅުމުގެ ތެރެއިން ފެނަކައިން ގަވާއިދާއި ޚިލާފުވެފައިވާ ރަށްތައްކަމަށް އީޕީއޭއިން ބަޔާންކޮށްފައިވަނީ:

ފެނަކައިން ކުރިއަށްގެންދާ މަޝްރޫއުތައް ތިމާވެއްޓަށް އަސަރު ފޯރާނެ މިންވަރު ބަޔާންކުރާ ރިޕޯޓު ހެދުމާބެހޭ ގަވާއިދާއި އެއްގޮތްވާ ގޮތުގެ މަތިން ކުރިއަށް ގެންދިޔުމަށް އީޕީއޭ އިން ވަނީ ފެނަކައަށް އިލްތިމާސްކޮށްފައެވެ.