ނަޝީދު ވަކި ކުރަން މަޖިލީހަށް ގަރާރު ހުށަހެޅީ 49 މެމްބަރުންގެ ސޮޔާއެކު
އެމްޑީޕީގެ ޕީޖީ މެމްބަރުންތަކެއް
ރައްޔިތުންގެ މަޖިލީހުގެ ޤަވާއިދުގެ 205 ވަނަ މާއްދާގެ 'ބ' ގައި ވާ ގޮތުގެ މަތީން ރައްޔިތުންގެ މަޖިލީހުގެ ރައީސް ކަމުން މުހައްމަދު ނަޝީދު ވަކިކުރުމަށް ހުށަހަޅާފައިވާ މައްސަލައިގައި ގޮތެއް ނިންމުމުގެ ޖަލްސާގައި މަޖިލީހުގެ ނައިބު ރައީސް އިވާ އަބްދުﷲ ހާޒިރުވެވަޑައިގަތުމަށް އުޒުރުވެރިވާ ހާލަތުގައި މަޖިލިސް ގަވާއިދުގެ 44 މައްދާއަށް އަމަލު ކުރުން ލާޒިމްވާން ކަނޑައެޅުމަށް އެދި އެމްޑީޕީން ސުޕްރީމް ކޯޓަށް ދުސްތޫރީ މައްސަލައެއް ހުށަހަޅައިފި އެވެ.
އެމްޑީޕީން އާދިއްތަ ދުވަހު ސުޕްރީމް ކޯޓަށް ހުށަހެޅި ދުސްތޫރީ މައްސަލައާ ގުޅޭ މައުލޫމާތު ދެއްވަމުން އެޕާޓީގެ ގާނޫނީ ޓީމުގެ މެމްބަރު އަހްމަދު އަބްދުﷲ އަފީފު ވިދާޅުވީ ސުޕްރީމްކޯޓަށް ހުށަހެޅި މައްސަލައަކީ އާދިއްތަ ދުވަހު ބޭއްވުނު ރައްޔިތުންގެ މަޖިލީހުގެ ޖަލްސާގައި މަޖިލީހުގެ އަމީންއާންމު ނިންމަވާފައިވާ ނިންމެވުން ގާނޫނު އަސާސީ އާއި ރައްޔިތުންގެ މަޖިލީހުގެ ގަވާއިދާ ހިލާފުކަމަށް ފެންނާތީ އެ ނިންމެވުމަށް ޗެލެންޖުކޮށް، ދެކަމަކަށް އެދި ހުށަހަޅާފައިވާ މައްސަލައެއް ކަމަށެވެ. އެގޮތުން އެ މައްސަލަ ހުށަހެޅީ ދެ ކަމަކަށް އެދި ކަމަށް އޭނާ ވިދާޅުވި އެވެ. އެއީ:
އެމްޑީޕީ އިން އެފަދައިން އެދިފައިވާއިރު، މަޖިލީހުގެ ގަވާއިދުގެ 44 ވަނަ މާއްދާގައި ބުނާ ގޮތުން މަޖިލީހުގެ ޖަލްސާއެއްގެ ރިޔާސަތު ބެލެހެއްޓުމަށް މަޖިލީހުގެ ރައީސް އަދި ނައިބު ރައީސް އުޒުރުވެރިވެއްޖެ ހާލަތެއްގައި، އެ ޖަލްސާގެ ރިޔާސަތު ބަލަހައްޓާނެ މެމްބަރަކު މަޖިލީހުގެ ރައީސް ކަނޑައަޅުއްވާން ވާނެ އެވެ. އަދި އެ މެމްބަރުންނަށް ވާންވަނީ މަޖިލީހުގައި މެދުނުކެނޑި އެންމެ ގިނަ ދުވަހު ޚިދުމަތް ކުރެއްވި މެމްބަރުންގެ ތެރެއިން 5 މެމްބަރެކެވެ.
އެހެންކަމުން ހަމަ އެ އުސޫލުގެ ދަށުން، މަޖިލީހުގެ ބައެއް ޖަލްސާތަކުގެ ރިޔާސަތު ވިލިފުށީ ދައިރާގެ މެމްބަރު ހަސަން އަފީފު ގެންދަވަނީ ބަލަހައްޓަވަމުންނެވެ.
މީގެ އިތުރުން އެ މައްސަލަ ހުށަހަޅަން ޖެހުނު ސަބަބުތައް ނުވަތަ އެ މައްސަލަ ބިނާކޮށްފައިވަނީ ތިން ސަބަބެއްގެ މައްޗަށް ކަމަށް ވެސް އޭނާ ވިދާޅުވި އެވެ. އެގޮތުން އެއީ:
މިއާއެކު އަފީފު ވިދާޅުވީ މަޖިލިސް ރައީސް މަގާމުން ވަކި ކުރުމަށް އެމްޑީޕީގެ ފަރާތުން ހުށަހެޅި މައްސަލައާ ގުޅިގެން ހިނގަމުންދާ ކަންކަމުގެ ސަބަބުން، މަޖިލީހުގެ ގަވާއިދުގެ ދެ މާއްދާއަކަށް ރިއާޔަތް ކުރާއިރު މަޖިލީހުގެ މަސައްކަތްތައް މިހާރު އޮތީ ހުއްޓިފައި ކަމަށާއި، އެއީ ގާނޫނު އަސާސީގައި އެކަންކަން މާނަ ކުރާ ގޮތެއް ނޫން ކަމަށެވެ.
އޭނާ ވިދާޅުވީ ރައްޔިތުންގެ މަޖިލީހަކީ ހުއްޓުވޭނެ އަދި އުވާލެވޭނެ ތަނެއް ވެސް ނޫން ކަމަށެވެ. އެގޮތުން މަޖިލީހުގެ މަސައްކަތްތައް ކުރިއަށް ދެވޭނެ ފަދައަކުން ގަވާއިދުތަކާއި ގާނޫނުތައް ބައްޓަން ކުރެވިފައި އޮއްވާ، މަޖިލީހުގެ މަސައްކަތްތައް ހުއްޓުވޭނެ ފަދަ ގޮތަކަށް އަމަލު ނުކުރެއްވޭނެ ކަމަށް ވެސް އޭނާ ވިދާޅުވި އެވެ.
ރައްޔިތުންގެ މަޖިލީހުގެ ރައީސް ކަމުގެ މަގާމުން، ނަޝީދު ވަކިކުރުމަށް އާދީއްތަ ދުވަހުގެ ޖަލްސާއަށް ވެސް އެޖެންޑާ ކުރިއެވެ. ނަމަވެސް މަޖިލީހުގެ ރައީސްކަމުގެ މަގާމުން ނަޝީދު ވަކިކުރުމުގެ މައްސަލަ އެޖެންޑާކޮށްފައިވަނިކޮށް ނާއިބު ރައީސް އީވާ އަބްދުﷲ ވަނީ ސަލާމް ފޮނުއްވާފައެވެ. މަޖިލީހަށް ފޮނުއްވި ސިޓީގައި އީވާ ވިދާޅުވެފައިވަނީ ޑެންގީ ހުމަށް ޕޮޒިޓިވްވެވަޑައިގެންފައިވާ ކަމަށެވެ.
އެހެންކަމުން މަޖިލީހުގެ ރައީސްކަމުގެ މަގާމުން ވަކިކުރުމުގެ މައްސަލަ ހޯމަ ދުވަހަށް ވެސް ވަނީ އެޖެންޑާ ކޮށްފަ އެވެ.
