ފަޅު ރަށަކަށް ގޮސް އުޅުނު ދެ މީހަކު ފިހިއްޖެ
20 ޖުލައި 2017 | ބުރާސްފަތި 19:11އެ ދެ މީހުންނަށް އެހާ ސީރިއަސް ޒަހަމްތަކެއް ލިބިފައެއް ނުވޭ
ތިނަދޫ އަބްދުއްސަމަދު މެމޯރިއަލް ހޮސްޕިޓަލް
ގދ އަތޮޅު ފަޅުރަށަކަށް ދަތުރު ގޮސްއުޅެނިކޮށް ހިނގި އަލިފާނުގެ ހާދިސާއެއްގައި ދެ މީހަކު ފިހިއްޖެ އެވެ.
އެނގިފައިވާ ގޮތުގައި އޯވަރ ނައިޓަށް ދަތުރު ގޮސް އުޅުނު ބަޔެއްގެ ތެރެއިން ދެ މީހަކު ފިހިފައިވަނީ ބުރާސްފަތި ދުވަހުގެ ރޭ ގެ ވަގުތެއްގައެވެ. އެ ދެ މީހުންގެ ގައިގާ އަލިފާން ހިފީ އެރަށުގައި އެމީހުން ސަކަރާތް ޖަހަން އުޅުމުގެ ތެރޭގައެވެ.
މި ހާދިސާއާ ގުޅިގެން ފުލުހުންގެ މީޑީއާ އޮފިޝަލް "ރާއްޖެއެމްވީ"އަށް ވިދާޅުވީ ބުރަސްފަތި ދުވަހުގެ ރޭ 19:30 ހާއިރު ގދ. ފަޅު ރަށަކަށް ދިޔަ ބަޔަކު ފިހިގެން ފުލުހުުންނަށް ރިޕޯޓް ކޮށްފައިވާ ކަމަށެވެ. އަދި އަލިފާނުގެ މިހާދިސާގައި ދެ މީހަކު ފިހިގެން ތިނަދޫ އަބްދުއްސަމަދު މެމޯރިއަލް ހޮސްޕިޓަލުގައި ފަރުވާދީފައިވާ ކަމަށް ވެސް އޮފިޝަލް ވިދާޅުވި އެވެ.
ތިނަދޫ އަބްދުއްސަމަދު މެމޯރިއަލް ހޮސްޕިޓަލުގެ ރަސްމީބަހެއް މިހާދިސާއަށް ގުޅިގެން ލިބިފައި ނުވިނަމަވެސް އެނގިފައިވާގޮތުގައި އެ ދެ މީހުންނަށް އެހާ ސީރިއަސް ޒަހަމްތަކެއް ލިބިފައެއް ނުވެއެވެ. އޭ ގެ ތެރެއިން އެކަކު 15 ޕަސަންޓްވަރު ފިހިފައިވީނަމަވެސް އޭނާގެ ހާލުވެސް ސީރިއަސް ނޫންކަމަށް އެނގިފައިވެއެވެ.
