އިންޓަޕޯލްގެ ސެކެޓްރީ ޖެނެރަލް ރާއްޖެއަށް ރަސްމީ ޒިޔާރަތެއް ކުރައްވައިފި
ޕޮލިސް ކޮމިޝަނަރާއި އިންޓަޕޯލްގެ ނެޝަނަލް ސެންޓްރަލް ބިއުރޯ މާލެ އަދި ދިވެހި ފުލުހުންގެ ޚިދުމަތުގެ އެގްޒެކެޓިވް މެނޭޖްމަންޓާ ބައްދަލުކުރެއްވި
އިންޓަރޕޯލްގެ ސެކެޓްރީ ޖެނެރަލް ރާއްޖެއަށް ޒިޔާރަތް ކުރެއްވުން
އިންޓަޕޯލްގެ ސެކެޓްރީ ޖެނެރަލް، ޔޯރގަން ސްޓޮކް ދިވެހިރާއްޖެއަށް ރަސްމީ ޒިޔާރަތެއް ކުރައްވައިފިއެވެ.
މި މަހުގެ 10 ވަނަ ދުވަހު ޔޯރގަން ސްޓޮކް ދިވެހިރާއްޖެއަށް ކުރެއްވި މި ޒިޔާރަތުގައި، ކޮމިޝަނަރ އޮފް ޕޮލިސް މުޙައްމަދު ޙަމީދާއި އިންޓަޕޯލްގެ ނެޝަނަލް ސެންޓްރަލް ބިއުރޯ މާލެ އަދި ދިވެހި ފުލުހުންގެ ޚިދުމަތުގެ އެގްޒެކެޓިވް މެނޭޖްމަންޓާ ބައްދަލުކުރެއްވިއެވެ.
މި ބައްދަލުކުރެއްވުމުގައި، އިންޓަޕޯލާ ގުޅިގެން ކުރާ މަސައްކަތް އިތުރަށް ފުޅާކޮށް ރާއްޖެއާއި އިންޓަޕޯލާ ދެމެދު އޮންނަ ގުޅުން ވަރުގަދަކުރުމާ ގުޅޭގޮތުން މަޝްވަރާކުރެއްވިއެވެ.
އޭގެ އިތުރުން، އިންޓަޕޯލަށް 100 އަހަރު ފުރުން ފާހަގަކުރުމުގެ ގޮތުން އިންޓަޕޯލްގެ ބެނާ ކަނޑުއަޑީގައި ދަމައިލުމަށް ބޭއްވި ހަރަކާތުގައި ވެސް އޭނާ ބައިވެރިވެލެއްވިއެވެ.
ރާއްޖޭގެ ގާނޫނު ތަންފީޒުކުރާ އިދާރާތައް ތަމްސީލުކުރާ ގިނަ އަދަދެއްގެ މަންދޫބުން ވެސް މި ހަރަކާތުގައި ބައިވެރިވި ކަމަށް ފުލުހުން މައުލޫމާތު ދެއެވެ.
