ރާއްޖެ
ހައްޖުވެރިއަކު ނިޔާވުން
ހައްޖަށް ދިޔަ އިތުރު ދިވެއްސަކު ނިޔާވެއްޖެ
ނިޔާވީ ނ. ހޮޅުދޫ މީހެއް
ސިމާހާ ނަސީމް, ރާއްޖެ އެމްވީ | 2 ޖުލައި 2023 | އާދީއްތަ 07:11
މުސްލިމުން ބޯ ވާރޭގައި އުމްރާގެ އަޅުކަން އަދާކުރަނީ
މި އަހަރުގެ ހައްޖުގެ އަޅުކަން އަދާކުރަމުން ދިޔަ އިތުރު ދިވެއްސަކު ނިޔާވެއްޖެއެވެ.
ރާއްޖެއެމްވީއަށް މައުލޫމާތު ލިބިފައިވާ ގޮތުގައި ނިޔާވީ ނ. ހޮޅުދޫ، އުދަރެސް، ގާސިމް އިބްރާހިމެވެ. އޭނާ ނިޔާވީ މައްކާގައެވެ.
މިއީ މި އަހަރު ހައްޖުގެ އަޅުކަން އަދާކުރަނިކޮށް ނިޔާވި ތިން ވަނަ ދިވެއްސެވެ.
މިދިޔަ ހުކުރު ދުވަހު އަލީ ހަސަން ފަރުވާދެމުން ދަނިކޮށް ވަނީ ނިޔާވެފައެވެ. އޭގެ އިތުރުން މިދިޔަ ބުރާސްފަތި ދުވަހު ރ. މާކުރަތު، މަލަ، މުހައްމަދު ނަސީމް އަލީ ވެސް ނޫރު ފަރުބަދަ ކައިރި ނިޔާވެފައި އޮއްވާ ފެނިފައިވެ އެވެ. އޭނާ ނިޔާވެފައި އޮއްވާ ފެނުނީ ގެއްލިގެން ހޯދާތާ ހަތަރު ދުވަސް ފަހުންނެވެ.
