ކެންދޫ ފުޓްބޯލް ޗެލެންޖްގެ ޗެމްޕިއަންކަން ގްލޯރިއަސް ވިކްޓްރީ ހޯދައިފި
ފައިނަލް މެޗު ކާމިޔާބުކުރީ 4-0 ން
ޗެމްޕިއަންކަން ހޯދި ގްލޯރިއަސް ވިކްޓްރީގެ ކުޅުންތެރިން
ކެންދޫ ކައުންސިލުން ބޭއްވި, ކެންދޫ ޗެލެންޖްގެ ޗެމްޕިއަންކަން ގްލޯރިއަސް ވިކްޓްރީ ހޯދައިފިއެވެ.
ކެންދޫގައި އަލަށް ސަރުކާރުން އެޅި ޓާފް ބޮޑު ފުޓްބޯޅަ ދަނޑުގައި ކުޅުނު ފުރަތަމަ މުބާރާތުގެ ޗެމްޕިއަންކަން ގްލޯރިއަސް ވިކްޓްރީން ހޯދީ ފައިނަލްގައި 4-0 ން ވިނާރސް ބޯއީސް ބަލިކޮށްގެންނެވެ. މުބާރާތުގެ އެންމެ މޮޅު ކުޅުންތެރިއަކީ ވިނާރސް ބޯއީސްގެ އަލީ ޖައިލަމްއެވެ. މުބާރާތުގައި އެންމެ ގިނަ ލަނޑު ޖަހައިގެން ރަންބޫޓް ހޯދީ ގްލޯރިއަސް ވިކްޓްރީގެ ރަޝާފް މުޙައްމަދެވެ. މުބާރާތުގެ އެންމެ މޮޅު ގޯލްކީޕަރަކީ ޗެމްޕިއަން ގްލޯރިއަސް ވިކްޓްރީގެ ޖުނާދު އަލީއެވެ.
މުބާރާތުގެ ތިންވަނަ ޓީމަކީ އެފްސީ ވެންގާޑެވެ. ފެއަރޕްލޭ ޓީމަކީ އެފްސީ ރައިވަލްސްއެވެ. މީގެއިތުރުން މުބާރާތުގެ ޑްރީމް ޓީމް ހޮވާފައިވެއެވެ. މިމުބާރާތުގައި ހަތް ޓީމް ވާދަކުރިއެވެ.
