ވިޒިޓް މޯލްޑިވްސް ސްޓޯރީ ޓެލަރސް ކޮންފަރެންސަކީ ރާއްޖޭގައި އެމްއެމްޕީއާރުސީން ބާއްވާ އެންމެ ބޮޑު ހަރަކާތް - ތޮއްޔިބް
މި ކޮންފަރެންސް ބާއްވަނީ 30 މޭއިން 2 ޖޫންއަށް
ވިޒިޓް މޯލްޑިވްްސް ސްޓޯރީ ޓެލަރސް ކޮންފަރެންސާ ގުޅޭ، ނޫސްވެރިންގެ ބައްދަލުވުން
ވިޒިޓް މޯލްޑިވްސް ސްޓޯރީ ޓެލަރސް ކޮންފަރެންސަކީ ރާއްޖޭގައި އެމްއެމްޕީއާރުސީން ބާއްވާ އެންމެ ބޮޑު ހަރަކާތް ކަމަށް، އެމްއެމްޕީއާރްސީގެ މެނޭޖިންގ ޑިރެކްޓަރު ތޮއްޔިބް މުހައްމަދު ވިދާޅުވެއްޖެއެވެ.
ވިޒިޓް މޯލްޑިވްސް ސްޓޯރީ ޓެލަރސް ކޮންފަރެންސާ ގުޅޭގޮތުން އޭނާ ވިދާޅުވީ، މި އިވެންޓަކީ ރާއްޖެއަށް ވަރަށް ޚާއްސަ އިވެންޓެއް ކަަމަށެވެ. މި ކޮންފަރެންސް ބާއްވަނީ 30 މޭއިން 2 ޖޫންއަށެވެ. މި ކޮންފަރެންސްގައި 65ށްވުރެ ގިނަ ކޮންޓެންޓް ކްރިއޭޓަރސް ބައިވެރިވާނެކަމަށް ތޮއްޔިބް ވިދާޅުވިއެވެ. އޭގެތެރޭގައި މީޑިއާ މީހުންނާއި، އިންފްލުއެންސަރުންނާއި ބްލޮގަރުންފަދަ މީހުން ހިމެނޭނެކަމަށް އޭނާ ވިދާޅުވިއެވެ.
މި ދައުވަތަކީ އެ މީހުން ރާއްޖެ އައިސް އެމީހުންގެ ޚިޔާލު ފާޅުކުރަން ދިން ފުރުސަތެއްކަމަށާއި، އެމީހުން ހޮވާފައިވަނީ 27 ފެބްރުއަރީން 25 މާރޗްއަށް ހިންގި ސޯޝަލް މީޑިއާ މުބާރާތް މެދުވެރިކޮށްކަމަށް އޭނާ ވިދާޅުވިއެވެ. މުބާރާތުގައި ބައިވެރިވީ "ވަޓް އިޒް ޔުއަރ ޑްރީމް ވެކޭޝަން އިން މޯލްޑިވްސް؟" މި ސުވާލަށް ޖަވާބުދީ އެ ސުވާލުގެ މައްޗަށް ބިނާކޮށް ރީލްސްއާއި ކޮންޓެންޓް ހަދައިގެންނެވެ.
އެ ބައިވެރިންގެ ތެރެއިން ވިޒިޓް މޯލްޑިވްސް ސްޓޯރީ ޓެލަރސް ކޮންފަރެންސަށް 50 ބައިވެރިން ހޮވާފައިވަނީ ޚާއްސަ ޖަޖުންގެ ޕެނަލަކުންނެވެ. އެ ޕެނަލްގައި ހިމެނެނީ އިންޑަސްޓްރީގެ މީހުންނާއި އެމްއެމްޕީއާރުސީގެ ފަރާތްތައް ކަަަމަށް ތޮއްޔިބް ވިދާޅުވިއެވެ. މި ކޮންފަރެންސަކީ ރާއްޖޭގެ ރީތިކަން ދައްކައިދިނުމާއި، ރާއްޖެ އިޝްތިހާރުކުރުމުގެ މަގުސަދުގައި ކުރިއަށްގެންދާ ކޮންފަރެންސެއް ކަމަށް އެމްއެމްޕީއާރުސީން ބުނެއެވެ.
