ޗަމްޕާ ބްރަދަރސްގެ ފަރާތުން ރައްޔިތުންނަށް ހަދިޔާ ކޮށްފައިވާ ކާށި ބަހައި ނިންމާލައިފިއެވެ.

ކާށި ބެހުމުގެ މަސައްކަތް ހަވާލުކޮށްފައިވަނީ މާލެ ސިޓީ ކައުންސިލާއެވެ. މާލެ ސިޓީ ކައުންސިލުން ވަނީ މިމަހުގެ 11 ވަނަ ދުވަހު ކާށި ބެހުމުގެ މަސައްކަތް ފަށާފައެވެ. އަދި 5 ދުވަހުން ކާށި ބަހާ ނިންމާލާފައިވާކަމަށް ސިޓީ ކައުންސިލުން ބުނެއެވެ.

މިގޮތުން ފުރަތަމަ ދުވަހު 400 ކާށި ބަހާފައިވާއިރު، ދެވަނަ ދުވަހު 5،060 ކާށި، 3 ވަނަ ދުވަހު 9،460 ކާށި ބާފައިވެއެވެ. އަދި 4 ވަނަ ދުވަހު 11،590 ކާށީ އަދި 5 ވަނަ ދުވަހު 8،240 ކާށި ބަހާފައިވާކަމަށް ސިޓީ ކައުންސިލުން ބުނެފައިވެއެވެ.

5 ދުވަހުން 34،750 ކާށީ ބަހާފައިވާއިރު، މާލެ ސިޓީ ކައުންސިލުން ބުނީ ޗަމްޕާ ބްރަދާސްގެ ފަރާތުން މާލެ ސިޓީ ކައުންސިލް އާއި ހަވާލު ކުރި ކާށިތައް ރައްޔިތުންނަށް ބަހާ ނިމިފައިވާކަމަށެވެ. އަދި މިވަގުތަށް ކާށި ބެހުމުގެ މަސައްކަތް މެދުކަނޑާލާފައިވާކަމަށް މާލެ ސިޓީ ކައުންސިލުން ބުނެއެވެ.

އިސްލާމިކް މިނިސްޓްރީގެ ދަފްތަރުގައި ފަޤީރުންގެ ގޮތުގައި ރަޖިސްޓްރީވެފައިވާ ފަރާތްތަކުގެ އިތުރުން ގޭބީސީތަކަށްވެސް ކާށި ބަހާފައިވެއެވެ.