ކ. މާލެ
|
4 ޖުލައި 2017 | އަންގާރަ 12:00
މާލޭ ލީގުގައި މާޒިޔާ އަދި ޓީސީ ބައްދަލުކުރި މެޗުގެ ތެރެއިން
މާލޭ ލީގުގައި މާޒިޔާ އަދި ޓީސީ ބައްދަލުކުރި މެޗުގެ ތެރެއިން
މާޒިޔާ ސްޕޯރޓްސް ކްލަބް
މާލޭ ލީގު
މާލޭ ލީގު: މާޒިޔާ ގަދަ ހަތަރެއްގެ ޖާގައެއް ކަށަވަރުކުރިއިރު، ޓީސީ އަށް ހުރަސްތަކެއް
 
ޓީސީ އަދި މާޒިޔާ ބައްދަލުކުރި މެޗު އެއްވަރުވީ 0-0 ގެ ނަތީޖާއަކުން
 
ޓީސީ އޮތީ 14 ޕޮއިންޓާއެކު ޕޮއިންޓް ތާވަލުގެ ހަ ވަނައިގައި
 
މާޒިޔާ ވަނީ 24 ހަމަކޮށް އެއްވަނައިގައި ހަމަޖެހިލާފައި

މާލޭ ލީގުގައި މާޒިޔާ ސްޕޯޓްސް އެންޑް ރެކްރިއޭޝަން ގަދަ ހަތަރެއްގެ ޖާގައެއް ކަށަވަރުކުރިއިރު، ޓީސީ ސްޕޯޓްސް ކްލަބަށް ހުރަސްތަކާ ކުރިމަތިވެއްޖެ އެވެ.

ހޯމަ ދުވަހުގެ ރޭ މާޒިޔާ އަދި ޓީސީ ބައްދަލުކުރި މެޗު ނިމުނީ 0-0 ގެ ނަތީޖާއިން އެއްވަރުވެގެންނެވެ.

ފުރަތަމަ ހާފް ފެށިގެން ދެ ޓީމުގެ ފަރާތުން ވެސް ހަމަހަމަ ކުޅުމެއް ފެނިގެންގޮސްފައިވާއިރު، ލަނޑު ޖެހުމަށް ވެސް ރަނގަޅު ފުރުސަތުތަކެއް ވަނީ ދެ ޓީމަށް ވެސް ލިބި ބޭކާރުވެފައެވެ.

މެޗުގައި މާޒިޔާ އަށް ހުރަސްތަކާ ކުރިމަތިވީ 40 ވަނަ މިނެޓުގައި އެޓީމުގެ މިޑްފިލްޑަރު އަސްހަދު އަލީ (އަޑުބަރޭ) އަށް ރެފްރީ ސީދާ ރަތް ކާޑެއް ދައްކާ ދަނޑުން ފޮނުވާލުމުންނެވެ. އޭނާ އަށް ރަތް ކާޑު ދެއްކީ ޓީސީގެ އަބްދުﷲ ހަނީފް (ބެންޖޯ) އަށް ފަހަތުން ކުރި ނުރައްކާތެރި ފައުލަކާ ގުޅިގެންނެވެ.

ދެވަނަ ހާފް ފެށިގެން ޓީސީން އެޓީމުގެ ކުޅުން ރަނގަޅުކޮށްފައިވާއިރު، ހަމަލާތަކެއް ވެސް އެޓީމުން ވަނީ މާޒިޔާގެ ގޯލަށް ފޮނުވާލާފައެވެ. އެހެންނަމަވެސް 10 ކުޅުންތެރިންނާއެކު ކުޅެމުންދިޔަ މާޒިޔާ ކޮޅަށް އެޓީމަށް ލަނޑެއް ކާމިޔާބުކުރެވޭ ގޮތެއްނުވިއެވެ.

މީގެ އިތުރުން ވަރަށް އޯގަނައިޒްކޮށް ކުޅެމުންދިޔަ މާޒިޔާއަށް ވެސް ދެވަނަ ހާފްގައި ލަނޑު ޖެހުމަށް ފުރުސަތަކެއް ލިބިފައިވާއިރު، އެޓީމަށް ވެސް ވަނީ މެޗު ނިމިގެންދިޔައިރު ވެސް ޓީސީގެ ގޯލު ފޫއަޅުވާލެވޭ ގޮތް ނުވެފައެވެ.

މި ނަތީޖާއާއެކު މާޒިޔާ ވަނީ ކުޅުނު 11 މެޗުން 24 ޕޮއިންޓް ހަމަކޮށް ޕޮއިންޓް ތާވަލުގެ އެއްވަނައިގައި ހަމަޖެހިލާފައެވެ. ޓީސީ އޮތީ 11 މެޗުން ލިބުނު 14 ޕޮއިންޓާއެކު ޕޮއިންޓް ތާވަލުގެ ހަ ވަނައިގަ އެވެ.

އެންމެ ފަހުން އަޕްޑޭޓް ކުރީ: 3 ހަފްތާ ކުރިން
ރިވިއު ކުރީ: އަލީ ޔޫސުފް
0%
0%
0%
0%
0%
0%
ކޮމެންޓް
ގުޅުންހުރި
ފުލުހުންގެ ހިދުމަތަށް 91 އަހަރު - މިދިޔަ 5 އަހަރަކީ ފުލުހުންގެ ތަރައްގީއަށް އެންމެ ގިނަ މަސައްކަތްކުރެވުނު 5 އަހަރު
ފައްޔާޒު ފުލުހަށް ހާޒިރުކުރުން: މިއީ އަނިޔާވެރިކަމުގެ ފެށުންތަ؟
މަސްތުވާތަކެތި ބޭނުންކޮށް، ގެންގުޅެ އެތަކެތީގެ ވިޔަފާރި ކުރުމުގެ ތުހުމުގައި މީހަކު ބަންދުކޮށްފި
ސަރުކާރު ބަންދު ގިނަ ދުވަސްތަކެއް އަންނާތީ، މުއްދަތު ހަމާވާ ލައިސެންސްތަކުގެ ތާރީހުތަކަށް ބަދަލުތަކެއް
އެންމެ ޒަމާނީ ވަސީލަތްތައް ހޯދައި، ސިފައިންގެ ގާބިލުކަން އިތުރުކުރުމަށް ދަނީ ގިނަ މަސައްކަތްތަކެއް ކުރަމުން: މިނިސްޓަރު
ތުއްތުކުދިން ޤުރުއާނަށް ލޯބިޖެއްސުމަށް ޤުރުއާން މުބާރާތްތައް ކުރިޔަށް ގެންދިއުމަކީ މުހިންމުކަމެއް - ފަސްޓްލޭޑީ ސާޖިދާ
ރަމަޟާންމަހު ފަހު 10ގައި ބީއެމްއެލްއިން ހިދުމަތްދޭނެ ގަޑިތައް އާންމުކޮށްފި
ގެދޮރުވެރިކަމަށް ބޭނުންޖެހިފައިވާ ދިވެހި ސިފައިންނަށް ގެދޮރުވެރިކަން ޔަގީންކޮށްދޭނަން: ރައީސް މުއިއްޒު