ފުލުހުން ކުރިއަށް ގެންދިޔަ އައު އަހަރުގެ އޮޕަރޭޝަނުގައި ހައްޔަރުކުރީ ދެމީހުން
1 ޖެނުއަރީ 2023 | އާދީއްތަ 13:59ހައްޔަރުކޮށްފައި ވަނީ އަންހެނަކާއި ފިރިހެނެއް
ކްރައިމް ސީނެއްކަން އަންގައިދޭ ޓޭޕް ދަމާފައި
ފުލުހުން ކުރިއަށް ގެންދިޔަ އައު އަހަރުގެ އޮޕަރޭޝަނުގައި ދެ މީހުން ހައްޔަރުކޮށްފިއެވެ.
ފުލުހުން ބުނީ ހޮނިހިރު ދުވަހުގެ ޑްރަގް އެންފޯސްމަންޓް ޑިޕާޓްމަންޓުން މާލެއާއި ހުޅުމާލޭގައި ކުރިއަށް ގެންދިޔަ އޮޕަރޭޝަނުގައި ދެ މީހަކު ފުލުހުންގެ ބެލުމުގެ ދަށަށް ގެނެސްފައިވާ ކަަމަށެވެ.
ފުލުހުންގެ މީޑިއާ އޮފިޝަލަކު "ރާއްޖެއެމްވީ"އަށް ވިދާޅުވީ، ހައްޔަރުކޮށްފައިވަނީ އަންހެނަކާއި ފިރިހެނެއް ކަމަށެވެ. އަދި އަންހެން މީހާ ހައްޔަރުކޮށްފައިވަނީ މާލެއިން ކަމަށާއި ފިރިހެން މީހާ ހައްޔަރުކޮށްފައިވަނީ ހުޅުމާލެއިން ކަމަށް އޭނާ ވިދާޅުވިއެވެ. އޭނާ ވިދާޅުވިގޮތުގައި، ހައްޔަރުކުރި ދެމީހުންގެ އަތުންވެސް ބަނގުރާފުޅިއެއް ވަނީ ފެނިފައެވެ.
ފުލުހުން ބުނީ އަންހެން މީހާ ފުލުހުންގެ ބެލުމުގެ ދަށަށް ގެނައީ މާލެއިން ކަމަށާއި އަދި ފިރިހެން މީހާ ފުލުހުންގެ ބެލުމުގެ ދަށަށް ގެނެސްފައިވަނީ ހުޅުމާލެއިން ކަމަށެވެ.
ރާއްޖެއެމްވީން ސުވާލުކުރުމުން ފުލުހުން ބުނީ މި އޮޕަރޭޝަންގައި ހައްޔަރުކުރީ ދެ މީހުން އެކުގައި ކަމަށާއި، އިތުރު ތަފްސީލެއް ދެވެން ނެތްކަމަށެވެ.
ދެ މައްސަލަވެސް ފުލުހުން ދަނީ ތަހުގީގު ކުރަމުންނެވެ.
