ނޮޅިވަރަމްގައި އަންހެނަކު މަރާލާފައިވާކަމަށް ބުނާ މައްސަލައެއް ބަލަނީ
10 ޑިސެމްބަރު 2022 | ހޮނިހިރު 10:15އެމީހާ ރަށު ހެލްތް ސެންޓަރަށް ގެންދިޔައިރުވެސް ވަނީ ނިޔާވެފައި
ލައިޝާ އަހްމަދު | 10 ޑިސެމްބަރު 2022 | ހޮނިހިރު 10:15
ހދ. ނޮޅިވަރަމް
ހދ ނޮޅިވަރަމްގައި އަންހެނަކު މަރާލާފައިވާކަމަށް ބުނާ މައްސަލައެއް ފުލުހުން ބަލަން ފަށައިފިއެވެ.
ފުލުހުންގެ މީޑިއާ އޮފިޝަލު ވިދާޅުވީ، ހދ ނޮޅިވަރަމްގައި މީހަކު މަރާލައިގެން އުޅޭކަމަށް ބުނެ، ފުލުހުންނަށް ރިޕޯޓު ކޮށްފައިވާ ކަމަށެވެ. އެ މައްސަލަ ފުލުހުންނަށް ރިޕޯޓު ކޮށްފައިވަނީ ހޮނިހިރު ދުވަހުގެ މެންދުރު 12:30 އެހާއިރުއެވެ.
މި ޙާދިސާގެ ރިޕޯޓު ލިބުމާއެކު ފުލުހުން ވަނީ ސީންއަށް އެޓެންޑުވެ، ހޭނެތިފައި އޮތް މީހާ ފުލުހުންގެ އެހީތެރިކަމާއެކު އެރަށު ހެލްތު ސެންޓަރަށް ގެންގޮސްފައެވެ.
ފުލުހުން މައުލޫމާތު ދޭ ގޮތުގައި އެއީ 28 އަހަރުގެ ދިވެހި އަންހެނެކެވެ.
އެމީހާ ރަށު ހެލްތް ސެންޓަރަށް ގެންދިޔައިރުވެސް މަރުވެފައިވާކަމަށް ޑޮކްޓަރުން ފުލުހުންނަށް މައުލޫމާތު ދީފައިވާކަމަށް ވެއެވެ.
