މުދައްރިސުންގެ ދިރާސާ ތަންފީޒުކުރުމަށް އެކްޝަން ޕްލޭނެއް އެކުލަވާލުމުގެ މަސައްކަތް ފަށައިފި
"ޓީޗިން އޭޒް އަ ކެރިއަރ ޕަރސެޕްޝަން ވެލިއުސް އެންޑް ޗޮއިސް އިން ދަ މޯލްޑިވްސް"ގެ ހޯދުންތަކުގެ އަލީގައި ކަންކަމަށް އަމަލީ ސިފަ ގެނައުމަށް ޔުނިވަރސިޓީ އަށް ކޮށްދެވޭނެ ކަންކަމާއި ގުޅޭގޮތުން މަޝްވަރާކުރާނ
މުދައްރިސުންގެ ދިރާސާ ތަންފީޒުކުރުމަށް އެކްޝަން ޕްލޭނެއް އެކުލަވާލުމުގެ މަސައްކަތް ފެށުން
ޤައުމީ ޔުނިވަރސިޓީއިން އުނގަންނައި ދިނުން ކެރިއަރެއްގެ ގޮތުގައި ޚިޔާރުކުރުމާމެދު އެކުލަވާލި ރިސަރޗަށް އެކްޝަން ޕްލޭނެއް އެކުލަވާލުމުގެ މަސައްކަތް ފަށައިފިއެވެ.
އެކަމަށްޓަކައި ތައުލީމީ ދާއިރާގެ ސްޓޭކް ހޯލްޑަރުންނާއެކު ބުރާސްފަތި ދުވަހު ވަނީ ބައްދަލުވުމެއް ބާއްވާފައެވެ. އެ ބައްދަލުވުމުގައި ތައުލީމީ ދާއިރާގެ މާހިރުންނާއި ސްކޫލްތަކުގެ އިސްވެރިންނާއި ތައުލީމީ ވުޒާރާގެ ފަރާތުން ވަނީ ބައިވެރިވެފައެެވެ.
ގައުމީ ޔުނިވަރސިޓީއިން މައުލޫމާތުދީފައިވާ ގޮތުގައި މި ބައްދަލުވުމަކީ މި އަހަރު ކުރީކޮޅު ރާއްޖޭގެ ގައުމީ ޔުނިވަރސިޓީގެ ފެކަލްޓީ އޮފް އެޑިއުކޭޝަންއިން ދިރާސާކޮށް ޝާއިއު ކުރި ވަރަށް މުހިންމު ދިރާސާއެއް ކަމަށްވާ "ޓީޗިން އޭޒް އަ ކެރިއަރ ޕަރސެޕްޝަން ވެލިއުސް އެންޑް ޗޮއިސް އިން ދަ މޯލްޑިވްސް" ގެ ހޯދުންތަކުގެ އަލީގައި ކަންކަމަށް އަމަލީ ސިފަ ގެނައުމަށް ޔުނިވަރސިޓީއަށް ކޮށްދެވޭނެ ކަންކަމާއި ގުޅޭގޮތުން މަޝްވަރާކޮށް ހިޔާލު ބަދަލުކުރުމަށް ބޭއްވި ބައްދަލުވުމެކެވެ.
މި ބައްދަލްވުމުގައި ވާހަކަދައްކަވަމުން ގައުމީ ޔުނިވަރސިޓީގެ ވައިސް ޗާންސެލަރު ޑރ.މުހައްމަދު ޝަރީފް ވަނީ މުދައްރިސުންގެ ފެންވަރު ރަނގަޅުކުރުމަކީ ގައުމުގެ ކުރިމަގު ބިނާކުރުމަށްޓަކައި މުހިންމު ކަމެއް ކަމުގައި ވިދާޅުވެފައެވެ. އަދި ތައުލީމީ ދާއިރާގައި އުނގަންނައިދެމުންދާ ފަރާތްތަކަކީ މުހިންމު ބައެއްކަން ފާހަގަކުރައްވާ އޭނާ ވިދާޅުވީ މުދައްރިސުންގެ ފެންވަރު ރަނގަޅުކޮށް، ތައުލީމީ ދާއިރާއަށް ހުރި ގޮންޖެހުންތަކަށް ހައްލު ހޯދަން ޖެހޭ ކަމަށެވެ. އެގޮތުން މުދައްރިސުންގެ ދައުރު ފުރިހަމަކުރުމަށް ޔުނިވަރސިޓީއަށް ކޮށްދެވިދާނެ ކަންކަން ދެނެގަނެ ޔުނިވަރސިޓީއިން އެ މަސައްކަތުގައި އަދާކުރާ ދައުރު ފުރިހަމަކުރަން ވިސްނުން ގެންގުޅުއްވާ ކަމަށް ވެސް އޭނާ ވަނީ ވިދާޅުވެފައެވެ.
