ގދ. ހޯނޑެއްދޫ ކައުންސިލް އިދާރާގެ އައު އިމާރާތް އެޅުމުގެ މަސައްކަތް ކޮށްދޭނެ ބަޔަކު ހޯދަން އިއުލާނުކޮށްފިއެވެ.
ހޯނޑެއްދޫ ކައުންސިލް އިދާރާގެ އެދުމުގެ މަތިން ފިނޭންސް މިނިސްޓްރީން ވަނީ މި އިއުލާނުކޮށްފައެވެ. އަދި މަސައްކަތަށް ޝަރުތު ހަމަވާ ފަރާތްތަކުން މިކަމަށް ބިޑް ހުށަހެޅުމަށް ވަނީ ހުޅުވާލާފައެވެ.
މި މަސައްކަތަށް ޝަރުތު ހަމަވާ ފަރާތެއް ހޯދުމުގެ ކަންތައް ކުރިއަށްގެންދަން ހަމަޖެހިފައިވަނީ ނޭޝަނަލް ކޮމްޕެޓެޓިވް ބިޑިންގ އުސޫލުގެ މަތިންނެވެ. މި ޕްރޮޖެކްޓުގެ ބިޑް ހުށަހެޅުމަށް ހަމަޖެހިފައިވަނީ އެކަމަށް ގާއިމްކޮށްފައިވާ އޮންލައިން ޕޯޓަލް މެދުވެރިކޮށެވެ.
މި ޕްރޮޖެކްޓުގެ ބޮޑް ސެކިއުރިޓީގެ ގޮތުގައި 40،000ރ. ހުށަހަޅަންޖެހެއެވެ. ބިޑް ސެކިއުރިޓީގެ މުއްދަތަކީ ބިޑް ހުޅުވާ ތާރީޚުން ފެށިގެން 148 ދުވަހެވެ.
ބިޑް ހުށަހަޅަންޖެހެނީ ނޮވެމްބަރު 13 ވާ އާދިއްތަ ދުވަހުގެ ހެނދުނު 11:00 ގެ ކުރިންނެވެ. އަދި ބިޑު ހުޅުވުން އޮންނާނީ ނޮވެމްބަރު 14 ވާ ހޯމަ ދުވަހުގެ 13:00 ގައި ކަމަށް ފިނޭންސް މިނިސްޓްރީން ބުނެފައިވެއެވެ.
