ހުޅުމާލެއިން ބިދޭސީއަކު ގެއްލިގެން ހޯދަން ފަށައިފިއެވެ.
ފުލުހުން މައުލޫމާތު ދޭ ގޮތުގައި ހުޅުމާލެއިން ގެއްލިގެން ހޯދަމުން ދަނީ ބަންގްލަދޭޝްގެ ރައްޔިތެއް ކަމަށްވާ އުމުރުން 27 އަހަރުގެ އެމްޑީ އޮމަރް މިއަރއެވެ.
އޭނާއަށް ވީނުވީއެއް ނޭނގި ގެއްލިގެން އޭނާ މަސައްކަތް ކުރަމުންދިޔަ ކުންފުނިން ފުލުހުންނަށް މައްސަލަ ހުށަހަޅާފައިވަނީ މި މަހުގެ އަށްވަނަ ދުވަހު ކަމަށް އެ އިދާރާއިން ބުންޏެވެ. މިހާތަނަށް ކުރި މަސައްކަތުން އޭނާ ފެނިފައިނުވާތީ އެކަމުގައި އާއްމުންގެ އެހީއަށް ފުލުހުން ވަނީ އެދިފައެވެ.
މި މީހާއާގުޅޭ އެއްވެސް މައުލޫމާތެއް އެއްވެސް ފަރާތަކަށް ލިބިފައިވާނަމަ ލަސްނުކޮށް އެ މައުލޫމާތު އެ އިދާރާއާ ހިއްސާކުރުމަށް ފުލުހުން ވަނީ އެދިފައެވެ.
