ފިޖިޓަލް: ވިޔަފާރި ކުރަން ލޯބިކުރާ މީހުންނަށް އިންޤިލާބީ ތަޖުރިބާއެއް

މެދުއިރުމަތީގެ ވިޔަފާރި ހަބްގެ ގޮތުގައި ގިނަ ބަޔަކު ސިފަ ކުރަމުން އަންނަ ދުބާއީގައި އަލަށް ވިޔަފާރިއެއް ހުޅުވާއިރު އެއީ އެއްގޮތަށް ވުރެ ގިނަ ގޮތުން ފާހަގަ ކުރަންޖެހޭ ހަރަކާތަކަށް އޮންނަނީ ވެފައެވެ. ކޮންމެވެސް ދިމާއަކުން އާދަޔާ ޚިލާފު ކޮންމެވެސް ކަމެއް ކުރާނެ ކަމީ ގިނަ ބަޔަކަށް، ބޭ އިޚްތިޔާރުގައި ޤަބޫލު ކުރެވިފައި އޮންނަ ކަމެކެވެ.

މިއީވެސް އެކަހަލަ ކަމެކެވެ. ދުބާއީގައި ދާދި ފަހުން ހުޅުވި ފިހާރައެކެވެ. ނަމަވެސް، މުދަލުގެ ބަދަލުގައި ފިހާރައިން ފެންނަން ހުރީ ސްކްރީންތަކަކާއި ސޯފާތަކެކެވެ. ސަބަބެއް ނެތިއެއް ނޫނެވެ. އެއީ ރީޓެއިލް ވިޔަފާރީގެ މުސްތަޤުބަލު ކަމުގައި ވާ "ފިޖިޓަލް" ކޮންސެޕްޓަށް ހުޅުވި ފިހާރައެކެވެ.

އޮންލައިން ވިޔަފާރީގައި މަޝްހޫރު ރީޓެއިލަރ ސިކްސްތު ސްޓްރީޓް ޑޮޓްކޮމްގެ ފިޖިޓަލް ފިހާރައަކީ، އޮންލައިން ވިޔަފާރީގެ އިތުރުން، އަމަލީ ގޮތުން މީހާ ފިހާރައަށް ގޮސްގެން ވިޔަފާރި ކުރުމުގެ ތަޖުރިބާ އެއް ވެއްޓަކުން ފޯރުކޮށްދޭ ޒަމާނީ ފިހާރައެކެވެ. ސިކްސްތު ސްޓްރީޓް ޑޮޓްކޮމްގެ ޗީފް އެގްޒެކެޓިވް އޮފިސަރ، ދަރްމިން ވީދުގެ ވާހަކަތަކުންވެސް އެކަން ދޭހަ ކޮށްދެއެވެ.

ގޭގައި ތިބެގެން އޮންލައިން ވިޔަފާރި ކުރާ ގޮތަށް، ފިޖިޓަލް ފިހާރައަށް ގޮސް، ހަމަޖެހިލައިގެން ތިބެ، އޮންލައިން ޕްލެޓްފޯމުން މުދާ ގަނެ ކަރޓްއަށް އެޅުމުގެ ފުރުޞަތު ކަސްޓަމަރުންނަށް ލިބެއެވެ. ތަފާތަކީ، ގަންނަން ބޭނުން ވާ ހެދުން، ފިޓިންގް ރޫމްއަށް ވަދެ ހެޔޮވަރު ކޮށްލުން ކަހަލަ އަމަލީ ފައިދާތަކެއް ލިބުމެވެ.

ފިޖިޓަލް ފިހާރާގައި އޮންލައިން ވިޔަފާރިއަށް ހާއްސަކޮށްފައިވާ ސްކްރީންތަކަކީވެސް އިންޓަރެކްޓިވް ސްކްރީންތަކެކެވެ. ނަތީޖާއެއްގެ ގޮތުން ސައިޒް ބަދަލު ކޮށްދިނުމާއި، އެނޫންވެސް އެފަދަ އިތުރު އެހީތެރިކަން ހޯދުމުގެ މަގު އޮންނަނީ ތަނަވަސްވެފައެވެ.

ބައިނަލްއަގުވާމީ ފެންވަރުގައި، ދުނިޔޭގެ އެކި ކަންކޮޅުތަކުން ގިނަ ބައެއްގެ އިތުބާރު ހޯދާފައިވާ ފެޝަން އަދި ލައިފްސްޓައިލް ކުންފުންޏެއް ކަމަށް ވާ އެޕަރެލް ގުރޫޕުން ދުބާއީގައި ހިންގާ ފިޖިޓަލް ފިހާރަ ފަރުމާކޮށްފައި ވަނީ 38 ޓެބްލެޓާއެކުގައެވެ. އެ ތަނުގައި 7 ފިޓިންގް ރޫމް ގާއިމު ކޮށްފައި ވާ އިރު، އާންމު ރީޓެއިލް ފިހާރައަކުން ކުރާ ވިޔަފާރީގެ 7 ގުނަ އިތުރަށް މުދާ، އެތަނުގައި ހުރެއެވެ.