އަނިޔާވެރި ކަމެއް ނެތި ރައީސް ސާލިޙުގެ ވެރިކަމުގައި ރާއްޖޭގެ އިޤްތިސާދު ހިއްލާލައިފި: ޖާބިރު
ރައީސް އިބްރާހިމް މުޙައްމަދު ސާލިޙަކީ ބުއްދި ބޭނުން ކުރައްވައިގެން ވިސްނަވާ ބޭފުޅެއް
ކާށިދޫ ދާއިރާގެ މެމްބަރު އަބްދުﷲ ޖާބިރު ރައީސް ސާލިޙާއި ވާހަކަ ދައްކަވަނީ
އަނިޔާވެރި ކަމެއް ނެތި، ރައީސް ސާލިޙުގެ ވެރިކަމުގައި ރާއްޖޭގެ އިޤްތިސާދު ހިއްލާލައިފިކަމަށް ކާށިދޫ ދާއިރާގެ މެމްބަރު އަބްދުﷲ ޖާބިރު ވިދާޅުވެއްޖެއެވެ.
ހުކުރު ދުވަހު ރާއްޖެޓީވީގެ ފަލަސުރުޚީ ޕްރޮގްރާމްގައި ވާހަކަ ދައްކަވަމުން ޖާބިރު ވިދާޅުވީ، ރައީސް އިބްރާހިމް މުޙައްމަދު ސާލިޙަކީ ބުއްދި ބޭނުން ކުރައްވައިގެން ވިސްނަވާ ބޭފުޅެއް ކަމަށެވެ.
ޖާބިރު ވިދާޅުވީ، އަނިޔާވެރި ކަމެއް ނެތި، ރައީސް ސާލިޙުގެ ވެރިކަމުގައި ރާއްޖޭގެ އިޤްތިސާދު ހިއްލާލާފައިވާ ކަމަށެވެ.
ޖާބިރު ވިދާޅުވީ، ރައީސް ސާލިޙު މަޑުމަޑުން ހުންނެވި ނަމަވެސް، އެމަނިކުފާނުގެ ޤާބިލުކަން ދައްކުވައިދީފައިވާ ކަމަށެވެ.
ރައީސް ސާލިޙު ވެރިކަމުގައި ހުންނަވަނީ އެމަނިކުފާނުގެ ޤާބިލުކަން ހުރުމުންކަމަށް ޖާބިރު ވިދާޅުވިއެވެ. ދެންވެސް ރާއްޖޭގެ ވެރިކަަމަށް އަންނާނެކަމަށް ބެލެވެނީ ރައީސް ސާލިޙުކަމަށް ޖާބިރު ވިދާޅުވިއެވެ.
ޖާބިރު ވަނީ ރައީސް ސާލިޙާއެކު ދެކެވުނު ވާހަކައެއް ޕްރޮގްރާމްގައި ހިއްސާ ކުރައްވާފައެވެ. އެގޮތުން ރައީސް ސާލިޙަކީ ވާހަކަ ދެއްކެވުމަށްވުރެ ބޮޑަށް ކަންކަން އަޑުއައްސަވާ ބޭފުޅެއްކަމަށް އެމަނިކުފާނު ވިދާޅުވިކަމަށް ޖާބިރު ފާހަގަ ކުރެއްވިއެވެ.
ރިޔާސީ ދެވަނަ ދައުރެއް ފުރިހަމަކުރެއްވުމުގެ ޝައުގުވެރިކަން ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް ވަނީ ފާޅުކުރައްވާފައެވެ.
