ނެޝަނަލް ފިޒިކަލް އެކްޓިވިޓީ ޕޮލިސީއާއި މޯލްޑިވްސް ގައިޑްލައިން އޮން ފިޒިކަލް އެކްޓިވިޓީ ލޯންޗްކޮށްފި
މި ސިޔާސަތާއި މިންގަނޑުތަކުގެ އަމާޒަކީ، އެކަށީގެންވާ މިންވަރަށް ހެލިފެލިވެ ކަސްރަތުގައި ޝާމިލުވެނޫޅޭ މީހުންގެ ނިސްބަތް 2030ގެ ނިޔަލަށް 10 އިންސައްތައަށް މަދުކުރުން
ނެޝަނަލް ފިޒިކަލް އެކްޓިވިޓީ ޕޮލިސީއާއި މޯލްޑިވްސް ގައިޑްލައިން އޮން ފިޒިކަލް އެކްޓިވިޓީ ލޯންޗުކުރުން
ނެޝަނަލް ފިޒިކަލް އެކްޓިވިޓީ ޕޮލިސީއާއި މޯލްޑިވްސް ގައިޑްލައިން އޮން ފިޒިކަލް އެކްޓިވިޓީ ލޯންޗްކޮށްފިއެވެ.
ނެޝަނަލް ފިޒިކަލް އެކްޓިވިޓީ ޕޮލިސީއާއި މޯލްޑިވްސް ގައިޑްލައިން އޮން ފިޒިކަލް އެކްޓިވިޓީ ލޯންޗުކޮށްދެއްވީ މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓު އަޙުމަދު މަޚުލޫފާއި، މިނިސްޓަރ އޮފް އެޑިޔުކޭޝަން ޑޮކްޓަރ ޢާއިޝަތު ޢަލީގެ އިތުރުން ހެލްތު މިނިސްޓަރ އަޙުމަދު ނަސީމެވެ.
ބުރާސްފަތި ދުވަހުގެ ހެނދުނު މީރުމާގައި ބޭއްވި ޚާއްސަ ރަސްމިއްޔާތުގައި ރައީސުލްޖުމްހޫރިއްޔާ އޮފީހުގެ ސެކްރެޓަރީ، ކެބިނެޓް އެފެއަރޒް، އަޙުމަދު ޙަސަންދީދީއާއި، މިނިސްޓަރ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓު އަޙުމަދު މަޚުލޫފާއި، މިނިސްޓަރ އޮފް އެޑިޔުކޭޝަން ޑޮކްޓަރ ޢާއިޝަތު ޢަލީގެ އިތުރުން ސިއްހީ ދާއިރާގެ ގިނަ އިސްވެރިންތަކެއް ބައިވެރިވިވަޑައިގެންނެވިއެވެ.
ހެލިފެލިވެ އުޅުމާއި ކަސްރަތު ކުރުމުގެ ސިޔާސަތާއި މިންގަނޑުތައް އެކުލަވާލުމުގެ މައިގަނޑު މަގުސަދަކީ، ގައިންގަޔަށް ނާރާ ބަލިތައް ކޮންޓްރޯލްކޮށް، ބަލިތައް ގިނަވާން ދިމާވާ ހިރާސްތަކުން ރައްކާތެރިވުމާއި ސިއްހީ، ދުޅަހެޔޮ ދިރިއުޅުމަކަށް ހެލިފެލިވެ އުޅުމާއި ކަސްރަތު ކުރުމަށް އާންމުން ހޭލުންތެރިކޮށް އަހުލުވެރިކުރުމެވެ.
މި ސިޔާސަތާއި މިންގަނޑުތަކުގެ އަމާޒަކީ، އެކަށީގެންވާ މިންވަރަށް ހެލިފެލިވެ ކަސްރަތުގައި ޝާމިލުވެނޫޅޭ މީހުންގެ ނިސްބަތް މިހާރުހުރި ވަރު (49 އިންސައްތަ އަންހެނުން، 35 އިންސައްތަ ފިރިހެނުން) 2030ގެ ނިޔަލަށް 10 އިންސައްތައަށް ދަށްކުރުމެވެ. އަދި ރައްކާތެރި މާހައުލެއްގައި ހެލިފެލިވެ އުޅުމާއި ކަސްރަތުކުރުމުގެ ފުރުސަތު އިތުރަށް ގާއިމުކޮށް އިންތިޒާމުކުރުމެވެ. އަދި މި ފަންނުގެ މީހުން ބިނާކުރުމާއި ހޭލުންތެރިކުރުމާއި ކަމާގުޅުންހުރި ދާއިރާތައް އެކުގައި މަސައްކަތްކުރުމަކީވެސް މި ސިޔާސަތުގެ މައިގަނޑު އަސާސެކެވެ.
ހެލިފެލިވެ އުޅުމާއި ކަސްރަތުކުރުމުގެ ސިޔާސަތު ބިނާކޮށްފައިވަނީ މައިގަނޑު 4 ކަމެއްގެ މައްޗަށެވެ. މީގެ ތެރޭގައި; ކަސްރަތުކުރުމާމެދު ރައްޔިތުން ދެކޭގޮތް ބަދަލުކޮށް، ކަސްރަތުކުރުމަށް މަގުފައިވާނޭ ގޮތްތައް ހޯދައި ދިނުމާއި، ހެލިފެލިވެ އުޅުމާއި ކަސްރަތުކުރުމަށް ހޭލުންތެރިކަން އިތުރުކުރުމާއި، ކަމާ ގުޅޭގޮތުން މީހުން ތަމްރީނުކުރުމަށް ސިޔާސީ ދާއިރާއާއި މިކަމާ ގުޅުންހުރި އެހެނިހެން ދާއިރާތައް އެކުގައި މަސައްކަތްކުރުން ހިމެނެއެވެ.
ހެލިފެލިވެއުޅުމާއި ކަސްރަތުކުރުމުގެ ސިޔާސަތާއި މިންގަނޑުތައް މިއަދު ލޯންޗްކޮށްފައިވާއިރު، ރާއްޖޭގައި އަހަރެއްގެ މައްޗަށް މަރުވާ ނުވަތަ ބޮޑެތި ބަލިތަކުގެ ސަބަބުން ނުކުޅެދުންތެރިކަމާ ކުރިމަތިލާންޖެހޭ މީހުންގެ އެންމެ ބޮޑު ހިއްސާއެއް ނިސްބަތްވަނީ، ކެންސަރާއި ހަކުރު ބައްޔާއި ހިތުގެ ބައްޔާއި ސްޓްރޯކާއި ފުއްޕާމޭގެ ދާއިމީ ބަލިތަކާއި ނަފްސާނީ ބަލިތައް ފަދަ، ދިރިއުޅުމުގެ ވައްޓަފާޅިއާ ގުޅުންހުރި ގައިންގަޔަށްނާރާ ބަލިތަކަށެވެ.
މިފަދަ ބަލިތަކަށް ހުށަހެޅޭ ހިރާސް (ރިސްކް ފެކްޓަރސް)ގެ ތެރޭގައި; ކެއިންބުއިމުގެ ނުރަނގަޅު އާދަތަކާއި، ދުންފަތުގެ އިސްތިއުމާލުކުރުމާއި މަސްތުވާ ތަކެތި ބޭނުން ކުރުމުގެ އިތުރުން، އެކަށީގެންވާ ވަރަށް ކަސްރަތުނުކުރުން ހިމެނެއެވެ.
