ޔުއެފާގެ އެންމެ މޮޅު ކުޅުންތެރިއަކަށް ކަރީމް ބެންޒިމާ އަދި ކޯޗަކަށް ކާލޯ އެންޗެލޮޓީ ހޮވައިފިއެވެ.
ޔޫރަޕްގެ އެންމެ މޮޅު ފިރިހެން ފުޓްބޯޅަ ކުޅުންތެރިއަކަށް ހޮވީ ރެއާލް މެޑްރިޑްގެ ކެޕްޓަން ބެންޒިމާއެވެ. އެމުބާރާތުގެ އެންމެ ގިނަ ގޯލް ޖެހި ކުޅުންތެރިއަކީވެސް އޭނާއެވެ. މުބާރާތުގައި ބެންޒިމާ 15 ލަނޑު ޖެހިއެވެ. ދުނިޔޭގެ މޮޅު ކުޅުންތެރިޔާއަށް ދޭ ބެލޮންޑިއޯ އެވޯޑްވެސް ގެންދާނެކަމަށް ގިނަބަޔަކު ބުނަމުންދަނީ ބެންޒިމާއެވެ. ރެއާލްއާއެކު އެންމެ ފަހުން ބެންޒިމާ އުފުލާލީ ޗެމްޕިއަންސްލީގުގެ ފަސްވަނަ ތައްޓެވެ. ބެންޒިމާއާއެކު އެވޯޑަށް ވާދަކުރީ ރެއާލްގެ ކީޕަރު ކޯޓުއާއާއި މެންޗެސްޓަރ ސިޓީގެ މިޑްފީލްޑަރ ކެވިން ޑި ބުރައިނާއެވެ.
ޔޫރަޕްގެ އެންމެ މޮޅު ކޯޗަކީ ރެއާލްއަށް ޗެމްޕިއަންސްލީގު ހޯދައިދިން ކޯޗު ކާލޯ އެންޗެލޮޓީއެވެ. އޭނާ ވަނީ ސްޕެނިޝް ލަލީގާގެ ޗެމްޕިއަންކަންވެސް ރެއާލްއަށް ހޯދައިދީފައެވެ. މިހާރު ކުރިއަށްދާ ސީޒަންގައިވެސް ރެއާލްގެ ކޯޗަކީ އެންޗެލޮޓީއެވެ.
