ޓީޓީ އަންހެން ޑަބަލްސްގައި ޖުމާނާއާއި މަލާކަށް ނާކާމިޔާބު
6 އޯގަސްޓު 2022 | ހޮނިހިރު 02:41ގޭމްސްގެ ގަދަ 32ގައި ރާއްޖޭގެ ޕެއަރ ނުކުތީ މޮރިޝަސްގެ ހޮސެނާލީ އޮމެހާނީއާއި ޖާލިލް ނަންދޭޝްވަރީގެ ޕެއަރއާ ދެކޮޅަށް
ކޮމަންވެލްތު ގޭމްސްގެ ތެރެއިން
ކޮމަންވެލްތު ގޭމްސްގެ ޓޭބަލް ޓެނިސް އަންހެން ޑަބްލްސް އިވެންޓުގައި ވާދަކުރި ރާއްޖޭގެ ފާތިމަތު ޖުމާނާއާއި މަލާކް ބިންތި މުއިއްޒުގެ ޕެއަރއަށް ނާކާމިޔާބުވެއްޖެއެވެ.
ޖުމާނާއާއި މަލާކަކީ ރާއްޖޭގެ ދެވަނަ ޕެއަރއެވެ. ގޭމްސްގެ ގަދަ 32ގައި މި ޕެއަރ ނުކުތީ މޮރިޝަސްގެ ހޮސެނާލީ އޮމެހާނީއާއި ޖާލިލް ނަންދޭޝްވަރީގެ ޕެއަރއާ ދެކޮޅަށެވެ. މި މެޗު މޮރިޝަސްގެ ޕެއަރއިން ކާމިޔާބުކުރީ، 11-06، 11-07 އަދި 11-09ން ސެޓުތައް ކާމިޔާބުކޮށްގެންނެވެ. މީގެ ކުރިން މިއަހަރުގެ ގޭމްސްގެ އަންހެން ޓީމު އިވެންޓުގައިވެސް މޮރިޝަސްއިން ވަނީ ރާއްޖެ ބަލިކޮށްފައެވެ.
މިއާއެކު ޓީޓީ ޓީމަށް ކޮމަންވެލްތު ގޭމްސްގެ މެޗުތައް ވަނީ ނިމިފައެވެ. ޓީމު ވަނީ ތުރުކީގެ ކޮންޏާގައި، މި މަހުގެ 09ން 18ށް އޮންނަ އިސްލާމިކް ސޮލިޑާރިޓީ ގޭމްސްގައި ވާދަކުރުމަށް ހުކުރު ދުވަހު ދަތުރުކޮށްފައެވެ.
