15 ޓީމާއެކު އަލިފުށީ އީދު ފުޓްސަލް ޗެލެންޖް ކުރިއަށް
ޗެމްޕިއަން ޓީމަށް ކަނޑައަޅާފައިވަނީ 20،000 ރުފިޔާ
އަލިފުށީ އީދު ފުޓްސަލް ޗެލެންޖްގެ މެޗެއްގެ ތެރެއިން
15 ޓީމާއެކު އަލިފުށީ އީދު ފުޓްސަލް މުބާރާތް "ޔަސްކީ އެންޑް އަދާން އީދު ފުޓްސަލް ޗެލެންޖް" ފަށައިފިއެވެ.
އަލިފުށީ ރެޓްރޯ ކޮފީން އިންތިޒާމްކުރާ މުބާރާތުގައި ވާދަކުރާ 15 ޓީމް ބަހާލާފައިވަނީ ހަތަރު ގްރޫޕަށެވެ. މުބާރާތް ރާވާފައިވަނީ ކޮންމެ ގްރޫޕެއްގެ އެއްވަނަ ޓީމް ސެމީފައިނަލަށް ދަތުރުކުރާގޮތަށެވެ. މުބާރާތުގައި މިހާތަނަށް ކުޅުނު މެޗުތަކުގެ ތެރެއިން އާންދޯ ވަނީ ދެ މެޗުވެސް ކާމިޔާބުކޮށް ސެމީގެ ފުރުސަތު ބޮޑުކޮށްފައެވެ. މިހާތަނަށް ކުޅުނު މެޗުތަކުގެ ތެރެއިން ފުރަތަމަ މެޗު ކާމިޔާބުކުރި ޓީމްތަކަކީ; އާސެނިކް, ހެއްވާލި, ޔުނައިޓެޑް އޭއީޖީ, އެލްޖީ އެފްސީ, އަދި ފެނަކަ ޔުނައިޓެޑެވެ. ފެނަކަ އެފްސީ ފުރަތަމަ މެޗުން މޮޅުވިނަމަވެސް ދެވަނަ މެޗުން ވަނީ ބަލިވެފައެވެ.
މުބާރާތުގެ ފައިނަލް މެޗު ކުޅޭނީ މިމަހުގެ 19 ވަނަ ދުވަހުއެވެ. މުބާރާތުގެ ޗެމްޕިއަން ޓީމަށް ކަނޑައަޅާފައިވަނީ 20,000 ރުފިޔާއެވެ.
