ގއ. މާމެންދޫގެ ގެއެއްގައި އަލިފާނުގެ ހާދިސާއެއް ހިނގައި، ބޮޑެތި ގެއްލުންތަކެއްވެއްޖެއެވެ.
އެ ރަށު ލޯންގްލައިފް ގޭގައި، ރޭ ދަންވަރު 1:30 ހާއިރު ރޯވި އެ އަލިފާންގަނޑު ނިއްވާލީ މާމެންދޫ ރައްޔިތުން ކުރި މަސައްކަތުން، ދެ ގަޑިއެއްހާއިރު ފަހުންކަމަށް ކައުންސިލުން ބުނެއެވެ.
މިހާދިސާގައި އެ ގޭގައި ހިފައިގެންގުޅޭ ހުރިހާ އެއްޗެއް ވަނީ އަނދާފައެވެ. ގޭގެ ސީލިންގު ވެސް އަނދައިގެން ގޮސްފައިވާއިރު، ފާރުތަކާއި ފުރާޅަށް ވެސް ވަރަށް ބޮޑަށް ގެއްލުންވެފައި ވާކަމަށް ކައުންސިލުން މައުލޫމާތުދިނެވެ.
ނޭޝަނަލް ޑިޒާސްޓަރ މެނޭޖްމަންޓް އޮތޯރިޓީއާއި ކައުންސިލް ގުޅިގެން، އަލިފާނުގެ ހާދިސާގައި ގެއްލުން ލިބުނު އާއިލާއަށް އެހީތެރިކަން ދިނުމުގެ މަސައްކަތް ކުރަމުންދާކަމަށް އެކައުންސިލުން ބުނެއެވެ.
މިހާދިސާގައި އެގޭގައި ދިރިނޫޅެވޭވަރަށް ވަނީ ގެއްލުންވެފައެވެ.
