ކުރިޔަށް އޮތް ބޯހިމެނުމުގެ މަސައްކަތަށް 4400 މީހުން ހޯދަނީ
19 ފެބުރުއަރީ 2022 | ހޮނިހިރު 01:12ބޯހިމެނުމުގެ ހަރަކާތްތެރިވާ ފަރާތްތަކަށް އެއް ހަފްތާގެ ތަމްރީނެއް ދިނުމަށް ހަމަޖެހިފައިވޭ
ބޯހިމެނުމުގައި ބޭނުންކުރުމަށް ހަމަޖެހިފައިވާ ސުވާލުކަރުދާސްތައް ޓެސްޓުކުރުމަށްޓަކައި ކުރިޔަށް ގެންދިޔަ ހަރަކާތުގެ ތެރެއިން
2022 ވަނަ އަހަރު ކުރިޔަށްގެންދިޔުމަށް ހަމަޖެހިފައިވާ ބޯހިމެނުމުގެ މަސައްކަތްކުރުމަށް މުޅިރާއްޖޭގައި ހަރަކާތްތެރިވުމަށް ބޭނުންވާ 4400 އެއްހާ މީހުން ހޯދުމަށް އިއުލާންކޮށްފިއެވެ.
ދިވެހިރާއްޖޭގެ އާބާދީއާއި ދިރިއުޅޭތަންތަނުގެ ބޯހިމެނުމާއި އިޤްތިޞާދީ މަސައްކަތްތަކުގެ ބޯހިމެނުން 2022 ވަނައަހަރުގެ ސެޕްޓެންބަރު 13 އިން 14 އަށް އަދި 17 އިން 25 އަށް މުޅި ރާއްޖޭގައި ބޭއްވުމަށްވަނީ ހަމަޖެހިފައެވެ.
މޯލްޑިވްސް ބިއުރޯ އޮފް ސްޓެޓިސްޓިކްސް އިން ބުނީ ބޯހިމެނުމުގެ ހަރަކާތްތެރިވާ ފަރާތްތަކަށް އެއް ހަފްތާގެ ތަމްރީނެއް ދިނުމަށް ހަމަޖެހިފައިވާކަމަށެވެ. ރަށްރަށުގައި މިތަމްރީނު ދިނުމަށް ހަމަޖެހިފައިވަނީ މިއަހަރުގެ ޖުލައި އަދި އޮގަސްޓް މަހުގެ ތެރޭގައެވެ. އަދި މާލޭގައި ތަމްރީނު ދިނުމަށް ހަމަޖެހިފައިވަނީ މިއަހަރުގެ އޯގަސްޓް އަދި ސެޕްޓެމްބަރު މަހުގެ ތެރޭގައެވެ. މިމަސައްކަތުގައި ހަރަކާތްތެރިވާ ފަރާތްތަކަށް ތަމްރީނުވާ ދުވަސްވަރުގައާއި ބޯހިމެނުމުގެ މަސައްކަތުގައި އުޅޭ ދުވަސްތަކަށް އެލަވަންސެއް ދިނުމަށްވަނީ ހަމަޖެހިފައެވެ. މިއެލަވަންސް ދިނުމަށް ހަމަޖެހިފައިވަނީ ތަމްރީނު ފުރިހަމަކޮށްް، ބޯހިމެނުމުގެ މަސައްކަތް ފުރިހަމަކޮށް ނިމުނީމައެވެ.
މިކަމަށް ޗައުގުވެރިވާ ފަރާތްތަކުން ފޯމް ހުށަހެޅުއްވުމަށް މިހާރު ކަނޑައެޅިފައިވާ އެންމެ ފަހުގެ ތާރީޚަކީ 31 މެއި އެވެ.
ރާއްޖޭގައި ކޮންމެ 10 އަހަރަކުން އެއް އަހަރު ބޯހިމަނައެވެ. އެންމެފަހުން ބޯހިމަނާފައިވަނީ 2014 ވަނަ އަހަރުއެވެ. އެފަހަރުގެ ބޯހިމެނުމުގެ ނަތީޖާ ދައްކާގޮތުން ރާއްޖޭގެ އާބާދީ އަކީ 402،071 އެވެ.
މިފަހަރުގެ ބޯހިމެނުމުގެ ޝިއާރަކީ "އަހަރެންގެ ބޯހިމެނުން" މިއެވެ.
