މާލޭގެ އަވަށްތަކުގައި އަންހެނުންނަށް ޚާއްސަކޮށްގެން މާރުކޭޓްތަކެއް ހަދަނީ
މިއިން ކޮންމެ ތަނެއްވެސް ހިންގާނީ އެއަވަށެއްގެ އަންހެނުން
ލޯކަލް މާރުކޭޓްގެ ގޮޅިއެއް
މާލޭގެ ފަސް އަވަށެއްގައި އަންހެނުންނަށް ޚާއްސަކޮށްގެން މާރުކޭޓްތަކެއް ހެދުމުގެ މަސައްކަތްކުރަމުންދާ ކަމަށް މާލެ ސިޓީގެ މޭޔަރ ޑރ މުހައްމަދު މުއިއްޒު ވިދާޅުވެއްޖެއެވެ.
މާލެ ސިޓީ ކައުންސިލުން ބޭއްވި ނޫސްވެރިންގެ ބައްދަލުވުމުގައި މުއިއްޒު ވިދާޅުވީ ރަމަޟާން މަސް ފެށުމުގެ ކުރިން ވިލިމާލެ ހިމެނޭ ގޮތަށް މާލޭގެ ފަސް އަވަށުގައި މާރުކޭޓް އެޅުމަށް ބަޔަކާ ހަވާލުކުރާނެކަމަށެވެ. މިއިން ކޮންމެ ތަނެއްވެސް ހިންގާނީ އެއަވަށެއްގެ އަންހެނުންކަމަށް މުއިއްޒު ވިދާޅުވިއެވެ.
މުޅި މިމަސައްކަތުގައި ހަރަކާތްތެރިވާނީ މުޅިންވެސް އަންހެނުންކަމަށް މުއިއްޒު ވިދާޅުވިއެވެ.
މުއިއްޒު ވިދާޅުވީ މިތަންތަނުގައި ބިދޭސީންނަށް ނުތިބެވޭނެކަމަށެވެ. މުޅި މަސައްކަތުގައި އަންހެނުން ހަރަކާތްތެރިވާއިރު އެކަން ކުރާނީ ސިޓީ ކައުންސިލާއި ގުޅިގެންކަމަށް މުއިއްޒު ވިދާޅުވިއެވެ.
